Sérhæfðir sjóðir og rekstraraðilar þeirra : afmörkun á gildissviði laga um rekstraraðila sérhæfðra sjóða, nr. 45/2020

Með lögum um rekstraraðila sérhæfðra sjóða, nr. 45/2020 („lögin“) voru ákvæði tilskipunar Evrópuþingsins og ráðsins (ESB) 2011/61 frá 8. júní 2011 um rekstraraðila sérhæfðra sjóða („AIFMD“) innleidd í íslenskan rétt. Með lögunum er í fyrsta skipti gerð tilraun til setningar heildarramma um starfsemi aðila sem reka sérhæfða sjóði en fyrir gildistöku laganna voru sérhæfðir sjóðir skilgreindir sem aðrir sjóðir en þeir sem falla undir lög um verðbréfasjóði, sbr. nú lög nr. 116/2021. Má því að ósekju segja að stærsta áskorunin við samningu laganna hafi verið mörkun gildissviðs þeirra. Megintilgangur ritgerðarinnar er að afmarka merkingarfræðilegan ramma 1. og 2. gr. laganna, en gildissvið laganna er fólgið í samspili þessara tveggja lagaákvæða. Í ritgerðinni er AIFMD rakin, þá með áherslu á skoðun markaðar fyrir sérhæfða sjóði fyrir og eftir fjármálahrunið 2008, sem er talin kveikjan að AIFMD. Þá er fjallað um íslenskan markað fyrir sérhæfða sjóði og athugað með hvaða hætti hann hafði þróast fram að gildistöku laganna. Meginþungi ritgerðarinnar er umfjöllun um túlkun og skýringu á lykilhugtökum 1. og 2. gr. laganna en við þá umfjöllun er einkum litið til viðmiðunarreglna ESMA og annarra eftirlitsaðila um merkingu orðasambandsins sérhæfður sjóður. Helstu niðurstöður ritgerðarinnar eru að afmörkun á gildissviði laganna hverfist um skilgreiningu á hvort til staðar sé sérhæfður sjóður eða ekki, þrátt fyrir að sérhæfðu sjóðalögin leggi eingöngu skyldur á rekstraraðila slíkra sjóða. Við afmörkun á því hvort um sérhæfðan sjóð sé að ræða þurfi fyrst og fremst að líta til þess hvort til staðar sé sjóður um sameiginlega fjárfestingu, þ.e. hvort tilgangskrafan, krafan um sameiginleika og krafan um sjálfstæði séu uppfylltar. Þá geri skilgreining laganna á hugtökunum rekstur og markaðssetning sérhæfðs sjóðs það að verkum að lögin grípa fleiri athafnir en samsvarandi lög samanburðarlanda, auk þess sem óljóst er hvort og með hvaða hætti formarkaðssetning getur verið heimil samkvæmt lögunum.

Author dc:creator

• Ólafur Hrafn Kjartansson 1997-

Contributors dc:contributor

• Háskólinn í Reykjavík

• Lögfræði
• Meistaraprófsritgerðir
• Fjármunaréttur
• Sjóðir
• Fjármálamarkaðir

Language dc:language.iso

is

Handle dc:identifier.uri

http://hdl.handle.net/1946/41706

OAI identifier oai:identifier

oai:skemman.is:1946/41706