Samfélagsábyrgð og mannauðsstjórnun : eflir samfélagsábyrgð fyrirtækja starfsánægju og tryggð starfsmanna?

Markmið rannsakenda var að kanna hvort að samfélagsábyrgð fyrirtækja efli starfsánægju og tryggð starfsmanna hjá fyrirtækjum á Íslandi. Rannsakendur tóku sex djúpviðtöl við mannauðsstjóra sex fyrirtækja sem koma úr mismunandi atvinnugeira. Fyrirtækin hafa öll hlotið tilnefningu til verðlauna á vegum Festu, Stjórnvísi og Viðskiptaráði. Helstu niðurstöður rannsóknarinnar eru að þátttakendur voru sammála um að samfélagsábyrgð hafi jákvæð áhrif á starfsánægju en fæstir höfðu töluleg gögn til að sýna bein tengsl á milli samfélagsábyrgðar og starfsánægju. Aðeins einn þátttakandi hafði töluleg gögn um hækkandi starfsánægju við innleiðingu á samfélagsábyrgð en taldi að það væri ekki hægt að fullyrða að samfélagsábyrgð ein og sér hefði aukið starfsánægju. Öll fyrirtækin í úrtaki rannsakenda hafa mælst með háa starfsánægju í mörg ár og þar með talin árin fyrir innleiðingu á samfélagsábyrgð. Vegna hárra mælinga á starfsánægju fyrirtækjanna áttu þátttakendur erfitt með að fullyrða að samfélagsábyrgð hafi haft áhrif á starfsánægju þar sem ekki var mikinn mun að sjá milli ára. Samkvæmt niðurstöðum rannsakanda telja þátttakendur að samfélagsábyrgð fyrirtækja muni spila stórt hlutverk í starfsánægju starfsmanna í framtíðinni og upp sé að koma ný kynslóð sem leggur meiri áherslu á samfélagsábyrgð en núverandi kynslóð.

Authors dc:creator

• Daníel Andri Baldursson 1995-
• Marteinn Már Antonsson 1996-

Contributors dc:contributor

• Háskólinn í Reykjavík

• Viðskiptafræði
• Samfélagsábyrgð
• Mannauðsstjórnun
• Starfsánægja

Language dc:language.iso

is

Handle dc:identifier.uri

http://hdl.handle.net/1946/33069

OAI identifier oai:identifier

oai:skemman.is:1946/33069