Markaðssetning íslenskra ferðaþjónustufyrirtækja á ferðabloggsíðum

Þetta lokaverkefni miðar að því að kanna hagnýtingu ferðabloggsíðna sem markaðstól fyrir íslensk ferðaþjónustufyrirtæki. Ferðaþjónusta er blómstrandi atvinnugrein sem hefur farið sívaxandi undanfarin ár. Kaup og sala á slíkri þjónustu fer yfirleitt fram í gegnum internetið. Fyrri rannsóknir hafa leitt í ljós að mikilvægt er fyrir neytendur að geta aflað sér nægjanlegra upplýsinga um vörur og þjónustu áður en gengið er frá kaupum á internetinu. Í tilfelli ferðaþjónustu eru frásagnir óháðra einstaklinga, reynsla þeirra og upplifun af þjónustunni sterkustu upplýsingar sem völ er á fyrir neytendur. Því eru ferðabloggsíður einn helsti miðill fyrir ferðaþjónustufyrirtæki til að markaðssetja sig á þar sem þær gefa kost á ítarlegri umfjöllun í texta, ljósmyndum og myndböndum. Þar að auki hefur notkun og vinsældir ferðabloggsíðna aukist að sama skapi og ferðaþjónusta hefur gert í gegnum árin. Verkefninu er skipt í tvo hluta. Í fyrstu verður ferðaþjónusta skoðuð, hvað í henni felst og hvernig markaðssetningu á henni sé best hagað. Farið verður yfir ferðaþjónustu á Íslandi, þá möguleika sem eru til staðar í markaðssetningu og hvernig hægt er að mæla arðsemi nútíma markaðssetningar. Í seinni hluta verkefnisins verður greint frá niðurstöðum rannsóknar sem gerð var til að kanna hvort íslensk ferðaþjónustufyrirtæki nýti sér ferðabloggsíður í sinni markaðssetningu og þá hvernig. Þar kom í ljós að ferðaþjónustufyrirtæki hérlendis eru mörg hver að nýta sér þennan miðil, nánar tiltekið 58% fyrirtækja sem tóku þátt í rannsókninni og það með fremur svipuðum hætti sín á milli. Rannsóknin fólst í skriflegum viðtölum við 60 fyrirtæki sem starfa í ferðaþjónustu á Íslandi og 2 bloggara á erlendum ferðabloggsíðum. Lykilorð: Ferðabloggsíður, ferðaþjónustufyrirtæki, ferðaþjónusta, markaðssetning, samfélagsmiðlar, bloggsíður, umtal, leitarvélabestun.

Author dc:creator

• Júlía Björk Jóhannsdóttir 1995-

Contributors dc:contributor

• Háskólinn í Reykjavík

• Viðskiptafræði
• Markaðssetning
• Ferðaþjónusta
• Blogg
• Samfélagsmiðlar

Language dc:language.iso

is

Handle dc:identifier.uri

http://hdl.handle.net/1946/30809

OAI identifier oai:identifier

oai:skemman.is:1946/30809