Skipulagsbreytingar hjá HMS : áhrif á starfsánægju

Breytingar geta haft ýmis áhrif, meðal annars á starfsánægju, og hún getur haft áhrif á frammistöðuna sem getur haft áhrif á þá þjónustu sem viðskiptavinum er veitt. Starfsánægja er meginatriði þessarar ritgerðar. Rannsóknarspurningarnar voru: Í hverju fólust skipulagsbreytingarnar hjá HMS haustið 2021? Hvaða áhrif höfðu skipulagsbreytingar á starfsánægju? Ástæða þess að ákveðið var að taka þennan vinkil var sú að skipulagsbreytingarnar vöktu áhuga minn á að skoða þær nánar, bæði út frá starfsánægju en einnig til að fá meiri innsýn í breytingarnar sjálfar. Framkvæmd var eigindleg rannsókn þar sem tekin voru viðtöl við fjóra starfsmenn stofnunarinnar. Önnur rannsóknaraðferðin var greining fyrirliggjandi gagna sem fjölluðu um skipulagið á stofnuninni fyrir og eftir breytingar. Til að fá nánari upplýsingar um breytingarnar voru tekin viðtöl við forstjóra og þjónustu- og breytingastjóra stofnunarinnar. Rannsóknin leiddi það í ljós að starfsánægja eins af fjórum þátttakendum batnaði með skipulagsbreytingunum. Hjá hinum þremur breyttist hún ekki, en af þeim líður tveimur vel í vinnunni og einum þokkalega. Lykilorðin eru: Breytingastjórnun, skipulagsbreytingar, skipulag, starfsánægja og frammistaða.

Author dc:creator

• Róbert Smári Gunnarsson 2000-

Contributors dc:contributor

• Háskólinn á Hólum

• Ferðamálafræði
• Breytingastjórnun
• Skipulagsbreytingar
• Starfsánægja
• Frammistöðumat

Language dc:language.iso

is

Handle dc:identifier.uri

http://hdl.handle.net/1946/44989

OAI identifier oai:identifier

oai:skemman.is:1946/44989