Ábyrg markaðssetning : breyttar áherslur í markaðssetningu áfangastaða í Fljótsdal og nágrenni

Áskoranir ferðaþjónustu á Íslandi í gegnum árin hafa verið fjölmargar og ein af þeim er ójöfn dreifing ferðamanna um landið. Fljótsdalur á Héraði hefur að geyma einn vinsælasta áfangastað ferðamanna á Austurlandi, Hengifoss, þar sem fjöldi ferðamanna eykst ár frá ári. Þessi fjöldi ferðamanna virðist þó ekki endurspegla gestakomur annarra áfangastaða ferðamanna í Fljótsdal. Í þessari ritgerð er horft til markaðssetningar þeirra áfangastaða sem staðsettir eru í Fljótsdal og hvernig henni er háttað. Rannsóknin er megindleg þar sem tilgáta er sett fram um að markaðssetning áfangastaða í Fljótsdal skilar sér ekki í fjölgun ferðamanna á öðrum áfangastöðum en Hengifossi og þar af leiðandi þekkja ferðamenn sem stoppa þar, lítið til annarra áfangastaða á svæðinu. Gagnaöflun var gerð með spurningakönnun þar sem þýðið er ferðamenn við Hengifoss í júlí og ágúst 2020. Niðurstöður leiddu í ljós að tilgátan er að hluta til rétt, þ.e. erlendir ferðamenn þekkja lítið til annarra áfangastaða í Fljótsdal. Því er sett fram sú tillaga að breyta þurfi áherslum í markaðssetningunni, t.d. á þá leið að markaðssetja sérstaka ferðaleið sem liggur báðu megin Lagarfljóts og inn í Fljótsdal. Slíkur hringur getur fjölgað áfangastöðum, aukið þar með fjölbreytni fyrir ferðamenn og aukið stuðning á milli hagsmunaaðila í ferðaþjónustu. Lykilorð: ferðaþjónusta í dreifbýli, markaðsetning áfangastaða, ábyrg markaðssetning, ferðamannaleiðir, fjöl-áfangastaða líkan

Author dc:creator

• Helga Eyjólfsdóttir 1987-

Contributors dc:contributor

• Háskólinn á Hólum

• Ferðamálafræði
• Ferðaþjónusta
• Dreifbýli
• Markaðssetning
• Ferðamannastaðir

Language dc:language.iso

is

Handle dc:identifier.uri

http://hdl.handle.net/1946/40432

OAI identifier oai:identifier

oai:skemman.is:1946/40432