Hér er allt í lagi! : hvernig hafa áherslur þróast í markaðsátakinu Inspired by Iceland?

Verkefni þetta fjallar um markaðsherferðina Inspired by Iceland. Herferðin var í fyrstu svar hagsmunaaðila ferðaþjónustunnar við þeirri neikvæðu ímynd sem skapaðist af landinu í umfjöllun í heimsfréttum eftir eldgos í Eyjafjallajökli árið 2010. Í dag er Inspired by Iceland orðið að regnhlífarheiti yfir allt það landkynningarefni sem markaðsstofa Íslands, Íslandsstofa, gefur út. Meginmarkmið verkefnisins er að komast að því hvernig áherslur í markaðsefni innan herferðarinnar hafa þróast frá því að hún hófst fyrst. Litið er á rannsóknina sem tilviksrannsókn þar sem Inspired by Iceland er tilvikið og er eigindlegum rannsóknaraðferðum á borð við skjalagreiningu og hálf-formfast viðtal beitt til að varpa ljósi á þá þróun áherslna sem hefur átt sér stað. Helstu niðurstöður rannsóknarinnar sýndu fram á að nýjar áherslur hafa orðið til innan herferðarinnar í takt við fjölgun ferðamanna og atburði líðandi stundar en samhliða því er haldið áfram að vinna með þær áherslur sem fyrir voru innan átaksins. Þannig lagði fyrsta markaðsefnið innan herferðarinnar línurnar fyrir það sem kom á eftir og svo byggðist herferðin upp með hverju átakinu á fætur öðru. Lykilorð: Þróun, hagsmunaaðilar, markaðsherferðir, ferðaþjónusta, Ísland

Authors dc:creator

• Brynja Eiríksdóttir 1992-
• Ragnheiður Mjöll Baldursdóttir 1974-

Contributors dc:contributor

• Háskólinn á Hólum

• Ferðamálafræði
• Markaðsáætlanir
• Ferðaþjónusta
• Inspired by Iceland

Language dc:language.iso

is

Handle dc:identifier.uri

http://hdl.handle.net/1946/31340

OAI identifier oai:identifier

oai:skemman.is:1946/31340