Gæði, öryggi og áreiðanleiki : hvernig nýtist Vakinn við gerð starfsmannahandbókar?

Í þessari skýrslu er sagt frá verknámi í ferðaþjónustufyrirtæki sem sérhæfir sig í rekstri hópferðabifreiða og er með fjölbreytta starfsemi á því sviði. Verknámið var tvíþætt, annars vegar voru margvísleg verkefni unnin vegna úttektar í tengslum við aðild fyrirtækisins að Vakanum sem er gæða- og umhverfiskerfi ferðaþjónustunnar á Íslandi. Hins vegar voru gerð drög að starfsmannahandbók fyrir fyrirtækið út frá gæðaviðmiðum Vakans og fræðum um sjálfbærni og þjónustugæði í ferðaþjónustu. Leitast var við að svara spurningunni um hversu vel Vakinn nýtist við gerð starfsmannahandbókar. Þátttakendur í Vakanum hafa aðgang að handleiðslu og hjálpargögnum sem leiða þá í gegnum gerð og innleiðingu á margvíslegum ferlum er varða gæða-, öryggis- og umhverfismál. Í ljós kom að Vakinn reyndist vel við ritun starfsmannahandbókar þar sem hann spannar allt það mikilvægasta sem þar þarf að koma fram. Svo virðist sem aðlögun Vakans að opinberri stefnu um ferðaþjónustu á Íslandi hafi tekist með ágætum auk þess sem gæðaviðmið hans falla vel að fræðilegum hugmyndum um þessa atvinnugrein. Lykilorð: Vakinn, gæðakerfi í ferðaþjónustu, starfsmannahandbók, sjálfbær ferðaþjónusta, öryggisáætlanir.

Author dc:creator

• Ingibjörg Elín Jónasdóttir 1969-

Contributors dc:contributor

• Háskólinn á Hólum

• Ferðamálafræði
• Gæðastjórnun
• Sjálfbær ferðaþjónusta
• Mannauðsstjórnun
• Vakinn

Language dc:language.iso

is

Handle dc:identifier.uri

http://hdl.handle.net/1946/31337

OAI identifier oai:identifier

oai:skemman.is:1946/31337