Raufarhöfn : áfangastaður í heilsárs ferðaþjónustu

Ferðaþjónusta er orðin ein af meginstoðum atvinnulífs á Íslandi og til marks um það þá skapar greinin meiri gjaldeyristekjur en sjávarútvegur. Með breyttu landslagi í sjávarútvegi hefur íbúa- og byggðaþróun margra byggðarlaga verið með neikvæðum hætti og mikið hefur verið horft til ferðaþjónustu sem einhverskonar bjargvætts þessara staða. Ávinningi af auknum ferðamannastraumi hefur þó verið misskipt og hafa jaðarsvæði á borð við Raufarhöfn ekki notið hins aukna ferðamannastraums. Raufarhöfn sem áfangastaður hefur þó margt að bjóða ferðamönnum sem með einum eða öðrum hætti tengist því heimskauta umhverfi sem þar er að finna. Sem dæmi má nefna að í byggingu er Heimskautsgerði sem þegar dregur að ferðamenn og nálægðin við Norðurheimskautsbauginn. Þetta hefur þó ekki dugað til að byggja upp heilsárs ferðaþjónustu á Raufarhöfn og svæðinu í kring. Þessari rannsókn er ætlað að varpa ljósi á þá þætti sem skóinn kreppir. Notast var við eigindlegar rannsóknaraðferðir sem fólust í að taka hálf opin viðtöl við fimm einstaklinga, vettvangsrannsókn og að rýna í fyrirliggjandi gögn. Stuðs var við módel fræðimannanna Clare Gunn um framboð áfangastaða og lífsferilskúrfu Richards Butlers og þau tvinnuð saman við umræður og niðurstöður. Niðurstöðurnar eru í stuttu máli þær að Raufarhöfn hefur margt til að bera svo ferðaþjónusta þar geti blómstrað sumar sem vetur. Margt er þó óunnið og þar ber hæst skortur á afþreyingu fyrir ferðamenn sem og aðgengi að upplýsingum.

Author dc:creator

• Hólmgeir Þorsteinsson 1972-

Contributors dc:contributor

• Háskólinn á Hólum

• Ferðamálafræði
• Ferðaþjónusta
• Raufarhöfn

Language dc:language.iso

is

Handle dc:identifier.uri

http://hdl.handle.net/1946/21640

OAI identifier oai:identifier

oai:skemman.is:1946/21640