Hálendismiðstöð að Fjallabaki : gerð hönnunarviðmiða fyrir hálendismiðstöð með sjálfbæra ferðaþjónustu að leiðarljósi

Ferðamennska hefur stóraukist á Íslandi hin síðari ár hvort heldur sem um er að ræða meðal íslenskra eða erlendra ferðamanna. Gífurlega mikil aukning hefur verið á ferðum erlendra ferðamanna hingað til lands, sérstaklega eftir eldgosið í Eyjafjallajökli 2010 og er nú búist við einni milljón erlendra ferðamanna árið 2014. Samhliða aukningu ferðamanna til landsins, þá hafa orðið breytingar á ferðahögum fólks sem vill síður ferðast í hópferðum, en hefur valið að ferðast á eigin vegum t.d. í bílaleigubílum og ráða ferðinni sjálft eða í smærri hópum. Hálendið hefur heillað og meira sótt í það en áður, samhliða auknum kröfum um betri þjónustu svo sem í gistingu, veitingum, afþreyingaferðamennsku, öryggi, gestastofum o.fl. Gistiaðstaða og þjónusta á hálendi Íslands er af skornum skammti og að mestu leyti boðið uppá gistingar í svefnpokaplássum í fjallaskálum, þar sem fjöldi fólks sefur oftast í sama herbergi og engar veitingar í boði. Hálendismiðstöðinni að Fjallabaki er ætlað að verða hönnunar- og viðmiðafyrirmynd, við gerð hálendismiðstöðva, með sjálfbæra ferðaþjónustu að leiðarljósi. Þar sem fólki gefst kostur á vali í gistingu, hvort heldur sem er í tjaldi, svefnpokum eða uppábúnum rúmum, veitingum, gestastofu, öryggisfræðslu o.fl. Miðstöðin á að vera fyrirmynd í sjálfbærni, sniðin að náttúrunni og umhverfi hennar.

Author dc:creator

• Ágúst Helgi Rúnarsson 1957-

Contributors dc:contributor

• Háskólinn á Hólum

• Ferðamálafræði
• Hálendisferðir
• Ferðaþjónusta
• Gistiheimili

Language dc:language.iso

is

Handle dc:identifier.uri

http://hdl.handle.net/1946/21631

OAI identifier oai:identifier

oai:skemman.is:1946/21631