Samspil virkjana og ferðaþjónustu : virkjunin í Illahrauni og Bláa lónið

Nær öll ferðaþjónusta fer fram í umhverfi þar sem tækni mannsins og náttúran koma saman. Mestur hluti íslenskrar ferðaþjónustu treystir á öfl og aðdráttarafl náttúrunnar að einhverju leyti. Virkjanir nýta einnig náttúruöflin við sína framleiðslu en yfirleitt í öðrum tilgangi samanborið við nýtingu fyrirtækja innan ferðaþjónustu. Geta þessir ólíku hópar (virkjanir og ferðaþjónusta) starfað saman og nýtt sömu auðlindina í sátt og samlyndi? Markmið þessa verkefnis er að kanna hvort virkjanir og náttúra geti átt samleið er hugsað er til uppbyggingar ferðaþjónustu á Íslandi. Við leit að mögulegu svari voru virkjunin Svartsengi í Illahrauni og Bláa lónið tekin til athugunar. Fór rannsóknin fram með viðtölum sem og rýni í ljósmyndir af svæðinu. Með ljósmyndunum var lítillega athuguð ásýnd mannvirkja svæðisins og hvernig þau falla að landslaginu með tilliti til hugmyndafræðinnar um ytra landslag. Einnig var rýnt í ýmis fyrirliggjandi gögn varðandi viðfangsefnið og niðurstöður viðtala greindar út frá þeim. Hverju getur iðnaður sem byrjaði á jarðborunum skilað af sér til umhverfisins og ferðaþjónustunnar? Lykilorð: Heilsutengd ferðaþjónusta, áhrif ferðaþjónustumannvirkja á landslag, jarðhitavirkjun, Bláa lónið, viðtöl.

Author dc:creator

• Ása Björg Ingimarsdóttir 1984-

Contributors dc:contributor

• Háskólinn á Hólum

• Ferðamálafræði
• Ferðaþjónusta
• Auðlindir
• Virkjanir

Language dc:language.iso

is

Handle dc:identifier.uri

http://hdl.handle.net/1946/15146

OAI identifier oai:identifier

oai:skemman.is:1946/15146