Neytendahegðun á snyrtivörumarkaði ,,Hvaða þættir hafa mest áhrif á kauphegðun neytenda þegar kemur að snyrtivörum á Íslandi?“

Snyrtivörumarkaðurinn er ört vaxandi og standa neytendur í dag frammi fyrir ótal valmöguleikum og ákvörðunum þegar kemur á vali á snyrtivörum. Kauphegðun neytenda á snyrtivörumarkaði getur verið mótuð af ýmsum þáttum eins og gæðum, verðlagi og fleira. Markmið þessarar rannsóknar er að kanna hvaða þættir hafa mest áhrif á kauphegðun neytenda þegar kemur að snyrtivörum á Íslandi. Greint verður frá fræðilegum bakgrunni verkefnisins en hann byggir á kenningum um neytendahegðun, vörumerkjaþekkingu, stafræna markaðssetningu ásamt því að stuttlega verður fjallað um snyrtivörumarkaðinn á Íslandi. Rannsóknin var framkvæmd með megindlegri rannsóknaraðferð þar sem spurningakönnun var lögð fyrir fólk á samfélagsmiðlum. Alls fengust svör frá 179 þátttakendum og benda helstu niðurstöður á að samfélagsmiðlar hafi mikil áhrif á kauphegðun yngri neytenda á meðan þættir eins og söluhvatar hafa áhrif á alla neytendur. Ímynd vörumerkja og traust gegna einnig mikilvægu hlutverki þegar kemur að kauphegðun neytenda á snyrtivörumarkaði. Með rannsókninni er leitast við að gefa innsýn í það hvernig fyrirtæki á íslenskum snyrtivörumarkaði geta nýtt sér niðurstöður rannsóknarinnar til þess að ná betur til ólíkra markhópa. Lykilorð rannsóknar: Neytendahegðun, kauphegðun neytenda, snyrtivörur, samfélagsmiðlar, vörumerkjatryggð.

Author dc:creator

• Kristín Ásdís Snorradóttir 1990-

Contributors dc:contributor

• Háskólinn á Bifröst

• Snyrtivörur
• Samfélagsmiðlar
• Vörumerki
• Neytendahegðun
• Kauphegðun

Language dc:language.iso

is

Handle dc:identifier.uri

https://hdl.handle.net/1946/49210

OAI identifier oai:identifier

oai:skemman.is:1946/49210