Róbótar á vakt? Áhrif sjálfvirknivæðingar á starfsfólk í þjónustugreinum á Íslandi

Ritgerð þessi fjallar um áhrif sjálfvirknivæðingar á starfsfólk í þjónustugreinum á Íslandi. Markmiðið var að kanna hvernig sjálfvirknivæðing mótar störf, starfsumhverfi, hefur áhrif á upplifun starfsmanna og hvort hún leiði til aukinnar kröfu um aukna færni í starfi. Rannsóknin byggir á eigindlegri aðferðafræði þar sem tekin voru viðtöl við starfsmenn í mismunandi þjónustugreinum og stjórnanda hjá Ölgerðinni. Auk þess var haft samband við sérfræðing í sjálfvirknivæðingu til að fá innsýn í þróunina á þessu sviði. Niðurstöður benda til þess að sjálfvirknivæðing hafi í flestum tilvikum leitt til minna álags og aukinnar nákvæmni í verkferlum, án þess þó að draga úr verkefnum. Sumir starfsmenn upplifðu breytingarnar sem jákvæðar þar sem endurtekin störf minnkuðu en aðrir töluðu um vaxandi óöryggi vegna fækkunar starfa og óvissu varðandi framtíð þeirra í starfi. Rannsóknin varpar ljósi á þau tækifæri og þær áskoranir sem sjálfvirknivæðing felur í sér fyrir starfsfólk í þjónustugreinum. Niðurstöðurnar gætu hugsanlega nýst fyrirtækjum sem stefna á innleiðingu sjálfvirkniferla með áherslu á góða aðlögunarhæfni og velgengni starfsmanna. Skipulögð breytingastjórnun á vinnustöðum og markviss þjálfun starfsmanna gæti dregið úr neikvæðum áhrifum þessara breytinga.

Author dc:creator

• Katrín Eva Pálmadóttir 1996-

Contributors dc:contributor

• Háskólinn á Bifröst

• Sjálfvirkni
• Starfsstéttir
• Þjónustugreinar
• Vélmenni
• Þjarkar

Language dc:language.iso

is

Handle dc:identifier.uri

https://hdl.handle.net/1946/49205

OAI identifier oai:identifier

oai:skemman.is:1946/49205