Áhorfendaþróun innan sviðslistastofnana á Íslandi : samsetning áhorfenda og leiðir til frekari þróunnar

Í þessari rannsókn er leitast við því að greina hver fjölbreytileikinn í samsetningu áhorfenda innan sviðslistastofnana á Íslandi er. Rannsóknin var í tveimur hlutum og var notast við blandaða rannsóknaraðferð. Annarsvegar er um megindlega rannsókn að ræða þar sem gögn úr úrtaksrannsókn á vegum Hagstofu Íslands voru greind. Í úrtaksrannsókninni var spurt út í aðsókn á sviðslistasýningar, tegund sviðslistasýninga sem viðkomandi hafði farið á og hvar á landinu. Svörin voru svo greind eftir bakgrunnsbreytum eins og kyni, aldri, búsetu, bakgrunni og menntun. Hinsvegar var um eigindlega rannsókn að ræða þar sem tekin voru djúpviðtöl við fulltrúa þriggja sviðslistastofnana landsins til þess að kanna upplifun og aðferðir þeirra innan áhorfendaþróunnar og hvernig stofnanirnar vinna að því að tengjast ólíkum áhorfendahópum. Rannsóknin leiddi í ljós að ákveðinn kjarnahóp var að finna meðal áhorfenda stofnananna og að auka mætti fjölbreytileika áhorfenda með því að reyna að ná til breiðari hóps. Niðurstöðurnar sýndu einnig að stofnanirnar taka samfélagslegt hlutverk sitt alvarlega en að þær mættu vera markvissari í aðferðum sínum við að ná til fjölbreyttra hópa áhorfenda. Þannig voru ákveðin „göt“ í áhorfendasamsetningu stofnananna og þá sérstaklega þegar um unga áhorfendur eða áhorfendur af erlendum uppruna er að ræða. Lykilorð: áhorfendaþróun, áhorfendur, sviðslistir, menningarlegur fjölbreytileiki, aðgengi, þátttaka.

Author dc:creator

• Lilja Björk Haraldsdóttir 1985-

Contributors dc:contributor

• Háskólinn á Bifröst

• Félagsvísindi
• Meistaraprófsritgerðir
• Menningarfræði
• Sviðslistir
• Áhorfendur
• Margbreytileiki
• Menning

Language dc:language.iso

is

Handle dc:identifier.uri

http://hdl.handle.net/1946/48300

OAI identifier oai:identifier

oai:skemman.is:1946/48300