Lykilþættir sem hafa áhrif á val neytenda á líkamsræktarstöð : hvaða þættir skipta neytendur mestu máli þegar kemur að vali á líkamsræktarstöð?

Viðfangsefni verkefnisins er lykilþættir sem hafa áhrif á val neytenda á líkamsræktarstöð og tilgangur þess er að kanna hvers vegna ein líkamsræktarstöð verður fyrir valinu frekar en önnur. Byrjað var á að semja spurningakönnun sem síðan var sett í dreifingu á samfélagsmiðlum. Þátttakendur í spurningakönnuninni voru tæplega 400, en einungis 319 þátttakendur eru skoðaðir þar sem hinir höfðu ekki verið í viðskiptum við líkamsræktarstöð á síðustu fimm árum. Þau gögn sem fengust úr spurningakönnuninni gáfu höfundi gagnlegar upplýsingar sem unnið var úr. Niðurstöður sýna að persónulegir þættir höfðu að meðaltali mest áhrif á val neytenda á líkamsræktarstöð, þar á eftir komu markaðsráðarnir; ferlar, vara og verð. Dreifileiðir höfðu hins vegar tiltölulega lítil áhrif á val neytenda á líkamsræktarstöð. Greinilegt var að verð hafði meiri áhrif á yngri kynslóðir en eldri og konur eru líklegri til að gera eitthvað, í þessu tilfelli að velja tiltekna líkamsræktarstöð, af því að allir aðrir gera það í stað þess að hlusta á eigin þarfir og óskir.

Author dc:creator

• Magnea Mist Einarsdóttir 1999-

Contributors dc:contributor

• Háskólinn á Bifröst

• Viðskiptafræði
• Lokaritgerðir
• Neytendahegðun
• Heilsuræktarstöðvar

Language dc:language.iso

is

Handle dc:identifier.uri

http://hdl.handle.net/1946/48290

OAI identifier oai:identifier

oai:skemman.is:1946/48290