Hver eru skilyrði fyrirvaralausrar uppsagnar opinberra starfsmanna?

Þegar opinberum starfsmanni er sagt upp störfum nýtur hann almennt mun meiri réttarverndar heldur en gerist á hinum almenna vinnumarkaði. Meginreglan er sú að veita skuli opinberum starfsmanni áminningu áður en að honum er sagt upp störfum og gefa honum þannig tækifæri til að bæta ráð sitt. Ef um mjög alvarlegt brot er að ræða kemur þó til skoðunar hvort heimilt sé að víkja honum fyrirvaralaust úr starfi án undangenginnar áminningar. Markmið þessarar rannsóknar var að leiða í ljós hvaða skilyrði þurfa að vera fyrir hendi svo hægt sé að víkja opinberum starfsmanni fyrirvaralaust úr starfi án undangenginnar áminningar. Niðurstöður sýndu að slíkar ákvarðanir þurfi ávallt að vera byggðar á málefnalegum sjónarmiðum og að ekki sé hægt að taka afstöðu til þess hvaða skilyrði þurfa að vera fyrir hendi heldur verður að meta hvert mál fyrir sig með tilliti til allra aðstæðna. Þannig geta ýmis atriði skipt máli varðandi mat á því hvort heimilt sé að víkja opinberum starfsmanni fyrirvaralaust úr starfi án undangenginnar áminningar og hafa dómstólar lokaorðið varðandi það hvort skilyrði séu til fyrirvaralausrar uppsagnar eða ekki.

Author dc:creator

• Berta Lind Jóhannesdóttir 1992-

Contributors dc:contributor

• Háskólinn á Bifröst

• Lögfræði
• Lokaritgerðir
• Starfslok
• Opinberir starfsmenn

Language dc:language.iso

is

Handle dc:identifier.uri

http://hdl.handle.net/1946/48272

OAI identifier oai:identifier

oai:skemman.is:1946/48272