List augnabliksins : skrásetning og varðveisla samtímadansverka á Íslandi

Í þessari rannsókn var lagt upp með að skoða stöðu varðveislu dansverka á Íslandi, aðferðir danshöfunda við skrásetningu og varðveislu dansverka og helstu hindranir þeirra hvað það varðar. Notast var við blandaðar rannsóknaraðferðir. Eigindleg rannsókn fólst í viðtölum við sex viðmælendur, þar af fjóra danshöfunda og tvo forsvarsaðila stofnana sem tengjast varðveislu dans. Í megindlegum hluta rannsóknar var spurningakönnun send út til meðlima Félags íslenskra listdansara til að fá víðari sýn á stöðu varðveislu dansverka hér á landi og aðferðir íslenskra danshöfunda við skrásetningu og varðveislu þeirra. Niðurstöður leiddu í ljós að staða varðveislu á Íslandi er slæm, sérstaklega þegar litið er til sjálfstæðu danssenunnar. Verk Íslenska dansflokksins eru að mestu varðveitt. Algengasta skrásetningaraðferðin er myndbandsupptaka og flestar upptökur eru varðveittar á vefsíðum á netinu, svo sem Vimeo. Helstu hindranir danshöfunda er skortur á tíma og fjármagni sem á upptök sín í starfsumhverfi sjálfstætt starfandi danslistamanna. Eins vantar mikið upp á utanaðkomandi stuðning til danslistafólks. Það mætti bæta með aukinni umræðu um dans innan fræðasamfélagsins og opinberri stefnumótun ráðuneytis.

Author dc:creator

• Þorgerður Atladóttir 1996-

Contributors dc:contributor

• Háskólinn á Bifröst

• Félagsvísindi
• Forvarsla
• Listdans
• Varðveisla gagna

Language dc:language.iso

is

Handle dc:identifier.uri

http://hdl.handle.net/1946/46346

OAI identifier oai:identifier

oai:skemman.is:1946/46346