Hvaða lærdóm má draga af herferðum Stígamóta, Sjúkást?

Á síðastliðnum árum hefur orðið mikil vitundarvakning í íslensku samfélagi um margskonar viðkvæm málefni með tilkomu samfélagsmiðla. Fjölmiðlar og fjölmiðlaumhverfið hefur breyst og þróast með tilkomu samfélagsmiðlana en gegna enn því verkefni að miðla því til almennings hvað er að gerast í samfélaginu hverju sinni og fá oftar en ekki fréttaefni frá samfélagsmiðlum. Fjölmiðlar hafa ennþá ákveðið vald hvað þeir telja að eigi erindi við almenning og því er ekki öll málefni að ná athygli og fá pláss hjá fjölmiðlum. Viðkvæm málefni eins og ofbeldi er stórt álitamál en hefur fengið misjafna umfjöllun síðastliðin ár. Í þessari ritgerð verður skoðað hvort herferðin Sjúkást, sem er á vegum félagasamtakanna Stígamóta, hafi fengið þá athygli fjölmiðla sem herferðin á skilið að mati almennings. Kannað verður einnig hver álits almennings er á fréttaflutningi á viðkvæmum málefnum, þrátt fyrir að markhópur herferðarinnar sé 13 til 20 ára. Sambærilegar rannsóknir á Íslandi hafa ekki verið gerðar og ekki eru til töluleg gögn um árangur herferða Sjúkást vegna fjármagnsskorts. Notast var við megindlega rannsóknaraðferð í þessari rannsókn til að kanna hversu mikil þekking fólks væri á Sjúkást herferðinni, hver skoðun fólks væri fjölmiðlum og umfjöllunum fjölmiðla. Úr niðurstöðum þessarar rannsóknar má draga þá ályktun að fólk telji að Sjúkást herferð Stígamóta eigi erindi við alla og eigi að fá meiri athygli og umfjallanir í fjölmiðlum á Íslandi, með því fengi Sjúkást og Stígamót meiri athygli og boðskapur herferðarinnar myndi ná lengra.

Author dc:creator

• Elínborg Telma Ágústsdóttir 1995-

Contributors dc:contributor

• Háskólinn á Bifröst

• Félagsvísindi
• Ástarsambönd
• Samfélagsmiðlar
• Ofbeldi

Language dc:language.iso

is

Handle dc:identifier.uri

http://hdl.handle.net/1946/46339

OAI identifier oai:identifier

oai:skemman.is:1946/46339