Áhrif samfélagsmiðla á kauphegðun

Viðfangsefni þessa lokaverkefnis er samfélagsmiðlar og þá sérstaklega Instagram og hvort sá miðill hafi áhrif á kauphegðun kvenna. Viðfangsefnið hefur af persónulegum ástæðum vakið áhuga höfundar um nokkurt skeið. Samfélagsmiðlar eru orðnir stór hluti af lífi fólks í dag hvort sem okkur líkar það betur eða verr og vísbendingar eru um að mikið og öflugt markaðsstarf fari fram á samfélagsmiðlum. Það getur fylgt því mikil þægindi fyrir neytendur að sjá upplýsingar og auglýsingar á auðveldan hátt á samfélagsmiðlum, kaupa síðan vöruna á internetinu og fá hana svo senda heim að dyrum. Rannsóknarspurningin sem lögð er „Hefur Instagram áhrif á kauphegðun kvenna?“ Í þessu verkefni verður leitast við að kanna áhrif samfélagsmiðla og þá sérstaklega Instagram á kauphegðun kvenna. Það er ósk höfundar að verkefnið gefi einhvern skilning á því hvort og þá hversu mikil áhrif samfélagsmiðlar hafa á kauphegðun kvenna og er markmið verkefnisins að fá innsýn og skilning á því efni. Samfélagsmiðillinn Instagram verður sérstaklega tekinn fyrir og skilgreindur í fræðilegri umfjöllun. Rannsóknin verður unnin sem fræðileg heimildaritgerð en einnig verður gerð eigindleg rannsóknarkönnun, tekin voru viðtöl við sex konur á aldrinum 20 – 59 ára og lagðar fyrir þær 25 spurningar sem tengjast viðfangsefninu. Lýstu þær upplifun sinni af Instagram, mögulegum áhrifum sem sá miðill hefur á kauphegðun þeirra og hvað það er sem hefur helst áhrif á þær á miðlunum. Niðurstöður eigindlegu rannsóknarinnar benda til að Instagram hafi þó nokkur áhrif á kauphegðun kvenna. Niðurstöðurnar sýndu að auglýsingar á Instagram og áhrifavaldar sem auglýsa vöru eða þjónustu hafa einna mest áhrif á kauphegðun viðmælenda. Slíkar auglýsingar fá konur oft til að hugsa um hlutinn eða þjónustuna, fara í verslunina til að skoða nánar eða kaupa á netinu. Ekki var marktækur munur á niðurstöðum eftir aldri viðmælenda. Lykilorð: Samfélagsmiðlar, kauphegðun, áhrif, áhrifavaldar, Instagram, vörumerki

Author dc:creator

• Linda Bjork Helgadottir 1971-

Contributors dc:contributor

• Háskólinn á Bifröst

• Félagshegðun
• Samfélagsáhrif
• Samfélagsmiðlar
• Kauphegðun
• Áhrif (sálfræði)
• Konur

Language dc:language.iso

is

Handle dc:identifier.uri

http://hdl.handle.net/1946/43464

OAI identifier oai:identifier

oai:skemman.is:1946/43464