Sjálfbær fjármál á grundvelli reglugerða ESB : nýjar skyldur fjármálafyrirtækja á grundvelli ákvæða um sjálfbærniupplýsingagjöf

Alþjóðasamfélagið stendur frammi fyrir verulegum afleiðingum í kjölfar loftslagsbreytinga og hafa ríki heims brugðist við með sameiginlegu átaki og alþjóðlegum skuldbindingum. Svo að Evrópusambandið nái að standa við skuldbindingar sínar í loftslagsmálum þarf að leggjast í endurbætur á fjármálakerfi álfunnar og beina fjármagnsflæði einkaaðila til sjálfbærra fjárfestinga. Aukið gagnsæi og samræmd upplýsingagjöf á fjármálamörkuðum um atvinnustarfsemi og fjármálaafurðir er talið gegna lykilhlutverki í þessum breytingum. Á grundvelli aðgerðaáætlana Evrópusambandsins hafa verið settar reglugerðir á sviði sjálfbærra fjármála sem bíða innleiðingar hér á landi. Um er að ræða upplýsingagjafarreglugerðina nr. 2019/2088/ESB og flokkunarreglugerðina nr. 2020/852/ESB. Ófjárhagsleg upplýsingagjöf fjármálafyrirtækja byggir í dag á 66. gr. d. laga um ársreikninga nr. 3/2006 og leiðbeininga um stjórnarhætti fyrirtækja á grundvelli aukaskyldu 7. mgr. 54. gr. laga um fjármálafyrirtæki nr. 161/2002. Núgildandi rétt skortir samræmdar kröfur um framsetningu og staðla ófjárhagslegra upplýsinga sem þær skulu á byggðar. Megintilgangur ritgerðarinnar er að varpa ljósi á nýjar skyldur fjármálafyrirtækja til sjálfbærniupplýsingagjafar og fyrirséðar breytingar á núgildandi rétti í kjölfar innleiðingar reglugerðanna og framseldra gerða. Stuðst verður við hina lagalegu aðferð og greiningu viðeigandi réttarheimilda. Helstu niðurstöður sýna að ný löggjöf kveður í fyrsta skipti á um sjálfbærniupplýsingagjöf fjármálafyrirtækja annars staðar en í skýrslu stjórnar. Upplýsingaskyldan mun ná til fimmfalt fleiri félaga en skv. núgildandi rétti. Sjálfbærniupplýsingagjöf fjármálafyrirtækja um eigin starfsemi og fjármálafurðir skal byggjast á viðmiðum flokkunarkerfis flokkunarreglugerðarinnar og stöðlum ESB og birtast á vefsíðum, í markaðsefni, reglubundnum skýrslum og ársreikningum. Ný ákvæði um upplýsingagjöf skýrslu stjórnar innihalda fastmótaðri kröfur í stað sveigjanlegra leiðbeininga sbr. núgildandi löggjöf. Flokkunarkerfi um sjálfbæra atvinnustarfsemi mun gera það að verkum að raunveruleg sjálfbærni fjárfestinga liggur loks fyrir og mun gagnsæi áhættumats, tiltrú fjárfesta og fjárfestavernd aukast samhliða samræmingu sjálfbærniupplýsinga.

Author dc:creator

• Anna Gerður Ófeigsdóttir 1989-

Contributors dc:contributor

• Háskólinn á Bifröst

• Meistaraprófsritgerðir
• Lögfræði
• Loftslagsbreytingar
• Evrópuréttur
• Upplýsingaréttur
• Reglugerðir

Language dc:language.iso

is

Handle dc:identifier.uri

http://hdl.handle.net/1946/42558

OAI identifier oai:identifier

oai:skemman.is:1946/42558