Móttaka og nýliðaþjálfun : hvernig má bæta um betur?

Móttaka nýliða og nýliðaþjálfun hefur áhrif á viðdvöl í starfi, starfsmannaveltu og starfsánægju ásamt því að vera félagsmótandi. Sýnt hefur verið fram á að ef móttaka og nýliðaþjálfun eru til staðar þá verði síður rof á „sálfræðilega samningnum“ svokallaða en væntingar nýs starfsmanns byrja að mótast strax í ráðningaferlinu, sem hefst er hann sér auglýst eftir starfinu og þar til nýliðaþjálfuninni er lokið. Megnimarkmið rannsóknar þessarar var að kanna upplifun starfsmanna hjá fyrirtækinu Skólamat á móttöku nýliða og nýliðaþjálfun og hvernig megi bæta þar um betur. Notast var við megindlega aðferðafræði þar sem rafræn spurningakönnun var send út á þátttakendur rannsóknarinnar sem voru starfsmenn í framlínu Skólamatar ásamt svæðisstjórum þeirra. Helstu niðurstöður sýna að starfsánægja er yfir meðallagi og að meiri ánægja er á Suðurnesjum en á höfuðborgarsvæðinu. Niðurstöður bentu einnig til þess að bæta megi um betur á sviði móttöku með því að hafa skipulega forkynningu og bæta starfstengdu kynninguna þar sem svæðisstjórar vinna með ítarlegri gátlista þar sem farið er yfir lykilatriði. Samræma má upplýsingagjöf til nýrra starfsmanna þar sem merkja má ósamræmi milli svæða. Formfesta mætti starfsfóstrakerfi, skilgreina ábyrgðaraðila, þjálfa þá og útbúa fyrir þá starfslýsingu fyrir það hlutverk. Rafræn þjálfun hefur aukist og ein tillaga snýr að því að hafa rafrænt próf í lok 2.-3. viku í starfi til að meta hvernig þjálfunin hefur tekist. Er þetta allt liður í að minnka líkurnar á sjálfviljugum starfslokum.

Author dc:creator

• Bylgja Dís Erlingsdóttir 1978-

Contributors dc:contributor

• Háskólinn á Bifröst

• Viðskiptafræði
• Mannauðsstjórnun
• Starfsmannavelta
• Þjálfun

Language dc:language.iso

is

Handle dc:identifier.uri

http://hdl.handle.net/1946/40589

OAI identifier oai:identifier

oai:skemman.is:1946/40589