Kvenatvinnukylfingar í íþróttafréttum : viðhorf kvenkylfinga gagnvart umfjöllun um íslenska kvenatvinnukylfinga á vefmiðlum og áhrif slíkrar umfjöllunar

Viðfangsefni ritgerðarinnar var að kanna viðhorf kvenkylfinga gagnvart umfjöllun um íslenska kvenatvinnukylfinga á vefmiðlum og kanna hvaða áhrif slík umfjöllun hefur á fjölda kvenna í golfíþróttinni. Rannsóknin fól í sér megindlega spurningakönnun sem kvenkylfingar svöruðu samhliða eigindlegri viðtalsrannsókn við þrjá kvenatvinnukylfinga. Greint var frá fræðilegri umfjöllun um dagskrárvald fjölmiðla, almannatengslum í íþróttum, PESO-líkaninu, fyrirmyndum og ímynd. Einnig var gerð grein fyrir golfíþróttinni, þróun á fjölda kvenna og kvenatvinnukylfingum og sagt frá fyrri rannsóknum. Niðurstaða rannsóknarinnar var sú að viðhorf kvenkylfinganna var að umfjöllun um íslenska kvenatvinnukylfinga skiptir máli, sérstaklega til að fjölga yngri konum í golfi. Samhljómur var á milli niðurstaðna úr eigindlegri og megindlegri rannsókn varðandi áhrif á konur yngri en 18 ára. Niðurstöður fólu einnig í sér mikilvægi fyrirmynda og mögulegra áhrifa þeirra til að breyta ímynd íþróttarinnar. Umræður höfundar fólu í sér að nota þurfi alla miðla PESO-líkansins til að fjölga konum í golfi, ekki síst áunna miðlun.

Author dc:creator

• Kristín María Þorsteinsdóttir 1998-

Contributors dc:contributor

• Háskólinn á Bifröst

• Lokaritgerðir
• Almannatengsl
• Golf
• Íþróttafréttir
• Konur
• Fyrirmyndir
• Vefmiðlar

Language dc:language.iso

is

Handle dc:identifier.uri

http://hdl.handle.net/1946/40588

OAI identifier oai:identifier

oai:skemman.is:1946/40588