Hefur virk þátttaka framlínustarfsmanna og svigrúm til sjálfstæðrar ákvörðunartöku áhrif á starfsánægju?

Markmið þessarar ritgerðar var að greina hvort finna mætti fylgni á milli starfsánægju og þess að starfsmenn upplifi sig hafa svigrúm til virkrar þátttöku, t.a.m. við markmiðasetningu þeirrar skipulagsheildar sem þeir starfa hjá og aðrar ákvarðanir sem teknar eru er varða starf þeirra með beinum hætti. Rannsókn þessari er ætlað varpa ljósi á þær staðreyndir sem settar eru fram í fræðum um starfsánægju og þá þætti sem helst skapa slíka upplifun starfsmanna. Rannsóknarspurningin var: Hefur virk þátttaka framlínustarfsmanna og svigrúm til sjálfstæðrar ákvörðunartöku áhrif á starfsánægju starfsmanna Símans og Vodafone? Við framkvæmd rannsóknarinnar var annars vegar notast við megindlega rannsóknaraðferð, þar sem lögð var spurningakönnun fyrir framlínustarfsmenn hjá Símanum og Vodafone á rafrænu formi. Hins vegar var notast við eigindlega rannsóknaraðferð, þar sem stuðst var við fyrirfram ákveðin viðtalsramma og voru tekin hálf opin viðtöl við stjórnendur hjá sömu skipulagsheildum. Markmið þess að tvinna saman þessar tvær rannsóknaraðferðir var að leggja mat á hversu vel upplifun starfsmanna endurspeglast í þeim fræðum sem stjórnendur Símans og Vodafone telja sig viðhafa. Niðurstöður rannsóknarinnar voru þær að margir áhrifaþættir virkrar þátttöku höfðu bein áhrif á starfsánægju þátttakenda rannsóknarinnnar. Á meðal þeirra þátttakenda sem að töldu sig ánægða í starfi var mun hærra hlutfall en meðaltal heildarniðurstaðna sem að taldi sig vera í starfi sem að hentaði hæfni þeirra og áhugasviði. Þar að auki var hlutfall ánægðra talsvert hærra en meðaltal sem að töldu starf sitt; mikilvægt, krefjandi, fengu hvatningu í starfi, upplifðu möguleika á að vinna sig upp í starfi, höfðu áhrif á ákvarðanatöku vegna starfa sinna og höfðu svigrúm til sjálfstæðrar ákvarðanatöku.

Author dc:creator

• Þórhildur Hafsteinsdóttir 1986-

Contributors dc:contributor

• Háskólinn á Bifröst

• Lokaritgerðir
• Starfsánægja
• Mannauðsstjórnun
• Þjónustustjórnun
• Ákvarðanataka

Language dc:language.iso

is

Handle dc:identifier.uri

http://hdl.handle.net/1946/40580

OAI identifier oai:identifier

oai:skemman.is:1946/40580