„Ég held að við höfum öll bara gert okkar besta“ Verslunarstjórar Krónunnar í gegnum heimsfaraldur

Markmið rannsóknarinnar var að öðlast dýpri skilning á því hvað einkenni verslunarstjórnendur og hver upplifun þeirra sé af því að fara í gegnum heimsfaraldur sem verslunarstjóri. Starfsmenn verslana er upp til hópa yngra fólk sem er að taka sín fyrstu skref á vinnumarkaði og því er áhugavert að skoða hvaða leiðir verslunarstjórnendur fari til að hvetja starfsfólk sitt áfram og efla það í starfi. Í þessari ritgerð er leitast við að svara eftirfarandi rannsóknarspurningu; Hvað einkennir verslunarstjórnendur Krónunnar og hvaða áhrif hefur heimsfaraldur haft á þeirra störf? Til að svara rannsóknarspurningunni var notuð eigindleg rannsóknaraðferð og tekin voru tólf viðtöl við verslunarstjórnendur Krónunnar. Tilgangurinn var að öðlast dýpri skilning á því hvað einkenndi verslunarstjórnendur Krónunnar og einnig að fá innsýn í starf viðmælenda og upplifun þeirra af starfi sínu á tímum heimsfaraldurs. Helstu niðurstöður rannsóknar sýndu að verslunarstjórnendur upplifðu flestir gífurlegt álag þegar heimsfaraldurinn kom til landsins og þeir þurftu að tileinka sér nýja starfshætti Allir verslunarstjórnendur fundu fyrir miklum stuðningi frá yfirmönnum sínum á þessum erfiðu og breyttu tímum. Það sem einkennir flesta verslunarstjórnendur er að þeir starfa eftir kenningum um leiðtoga og starfa flestir í teymum með sínu starfsfólki. Í heimsfaraldrinum lögðu þeir ríka áherslu á að halda góðum anda á vinnustaðnum og að styðja sem best við starfsfólkið.

Author dc:creator

• Sirí Gísladóttir 1986-

Contributors dc:contributor

• Háskólinn á Bifröst

• Meistaraprófsritgerðir
• Viðskiptafræði
• Verslanir
• Mannauðsstjórnun
• COVID-19

Language dc:language.iso

is

Handle dc:identifier.uri

http://hdl.handle.net/1946/40553

OAI identifier oai:identifier

oai:skemman.is:1946/40553