Hvernig er hægt að bæta réttarstöðu brotaþola í kynferðisbrotamálum?

Í ritgerðinni er fjallað um málaflokkinn kynferðisbrot út frá skilgreiningum, tölfræði, rannsóknum og löggjöf, sem og rétt brotaþola í réttarvörslukerfinu. Unnið er út frá rannsóknarspurningunnni Hvernig er hægt að bæta réttarstöðu brotaþola í kynferðisbrotamálum? Skoðað er hvernig réttarstöðu brotaþola er háttað skv. íslenskri löggjöf og hvaða skuldbindingar hvíla á Íslandi skv. þjóðaréttarsamningum. Níu konur töldu Íslenska ríkið hafa brotið á réttindum sínum við meðferð máls þeirra, og lögðu fram kæru til mannréttindadómstóls Evrópu. Voru við rannsókn þessa tekin viðtöl við tvo af brotaþolum þeirra mála þar sem þær ræddu meint brot ríkisins á réttindum sínum, afleiðingar þess og þær breytingar sem þær vilja sjá á ferlum og vinnubrögðum lögreglu og ákæruvalds þegar kynferðisbrot og annað ofbeldi er rannsakað og kært. Brotaþolar sem verða fyrir kynbundnu eða kynferðislegu ofbeldi eða áreitni þurfa á sérstakri vernd að halda innan réttarkerfisins, og eru konur af erlendum uppruna og börn í sérstaklega viðkvæmri stöðu. Helst er í ritgerðinni fjallað um þá vernd og réttarúrræði sem brotaþolum kynferðisbrotamála býðst, s.s. réttargæsla, túlkaþjónusta og réttarbætur. Fjallað er um að víkka þurfi heimild til réttargæslu og tryggja að réttur fólks falli ekki niður við klofning máls, aukna túlkaþjónustu að því hvað varðar að fá aðgang að gögnum máls síns á öðru tungumáli en Íslensku og hvort leiðbeina þurfi brotaþolum betur um rétt sinn til bóta, þ.e. að leiðbeiningarskyldu sé sinnt við að kynna brotaþolum rétt sinn til bóta ef mál er látið niður falla. Einnig er fjallað um þá stöðu brotaþola að eiga ekki aðild að máli sínu og hvort lögreglu og ákæruvaldi sé heimilt að fella mál niður í málum sem sönnunargögn liggja fyrir í, og svipta brotaþola þar með rétti til sönnunarfærslu fyrir dómi.

Author dc:creator

• Kristín Þóra Jónsdóttir 1981-

Contributors dc:contributor

• Háskólinn á Bifröst

• Lokaritgerðir
• Lögfræði
• Kynferðisafbrot
• Réttarstaða
• Brotaþolar
• Ákærur

Language dc:language.iso

is

Handle dc:identifier.uri

http://hdl.handle.net/1946/40518

OAI identifier oai:identifier

oai:skemman.is:1946/40518