Verðmyndun á íslenskum tónlistarflutningi við skemmtanahald : hvað kostar að láta skemmta sér?

Viðfangsefni þessarar ritgerðar var að kanna hvað stjórnar verðmyndun á íslenskum tónlistarflutningi við skemmtanahald á Íslandi. Framkvæmd var eigindleg rannsókn í formi viðtala þar sem rætt var við fimm viðmælendur sem hafa ekki einvörðungu reynslu heldur djúpan skilning á hvaða þættir stjórna því sem til rannsóknar er. Rannsóknin sem slík gæti þannig gefist vel sem hagkvæmur fyrirbúnaður fyrir umfangsmeiri megindlegar rannsóknar eða gefið tilefni til þess að draga fram í dagsljósið ákveðin viðfangsefni sem ekki hafa verið gerð skil á áður. Með verðmyndun er átt við það samspil milli framboðs og eftirspurnar á frjálsum markaði sem ákvarðar verð og magn vara og þjónustu sem skipta um hendur í hagkerfinu. Helstu niðurstöður rannsóknarinnar leiddu í ljós að það sem stýrir verðmyndun á íslenskum tónlistarflutningi við skemmtanahöld eru saga, vinsældir, orðspor og efnahagsleg staða samfélagsins. Þá leiddu rannsóknir það í ljós að það verð sem tónlistarflytjendur taka fyrir að „skemmta öðrum“ hefur að sumu leyti staðið í stað í að minnsta kosti tvo áratugi og er með engu móti í takt við verðhækkanir samfélagsins. Því er verð á íslenskum tónlistarflutningi við skemmtanahald einungis 70% af því sem það ætti að vera ef miðað væri við vísitölu neysluverðs. Með hliðsjón af niðurstöðum rannsóknarinnar dró höfundur þá ályktun að mikilvægt væri fyrir íslenska tónlistarflytjendur að sýna hvor öðrum samhug í baráttunni til aukinna launa. Í íslensku samfélagi væru vankantar á að tónlistarflytjendur hefðu hugrekki til slíks en með hliðsjón af útlögðum kostnaði, æfingum sem lægju að baki og annarra þátta þá væri ærið tilefni til þess að laga þá annmarka.

Author dc:creator

• Sverrir Bergmann Magnússon 1980-

Contributors dc:contributor

• Háskólinn á Bifröst

• Verðmyndun
• Tónlistarflutningur
• Skemmtanaiðnaður
• Tónlist
• Listsköpun
• Popptónlist
• Íslensk tónlist
• Viðskiptafræði
• Lokaritgerðir

Language dc:language.iso

is

Handle dc:identifier.uri

http://hdl.handle.net/1946/32446

OAI identifier oai:identifier

oai:skemman.is:1946/32446