Hin mannlega hlið samruna, líðan viðhorf og væntingar starfsfólks

Í ágúst 2017 var starfsfólki ferðaþjónustufyrirtækisins Gray Line Iceland tilkynnt um samruna félagsins við annað ferðaþjónustufyrirtæki, Iceland Travel. Höfundur var þá starfandi sölumaður hjá fyrirtækinu og greip hugmyndina á lofti. Markmiðið þessa verkefnis er því að skoða líðan, viðhorf og væntingar starfsfólks til samruna. Leitast er eftir að skoða þá áhersluþætti sem vert er að styðjast við þegar stefnt er á samruna og auka líkur á árangri hans fyrir alla haghafa. Auk þess er skoðuð almenn starfsánægja starfsfólks Gray Line Iceland og viðhorf til einstakra þátta starfsins ef ekki yrði af sameiningu. Sú varð raunin en í lok október var starfsfólki tilkynnt um að hætt yrði við samrunann. Megindlegum rannsóknaraðferðum var beitt við rannsóknina og gögnum aflað með skoðanakönnun sem send var á starfsfólk með tölvupósti. Til að standa að árangursríkum samruna ætti að leggja áherslu á fagleg vinnubrögð breytingastjórnunar, samvinnu og góðan undirbúning og áætlanagerð allra stiga samrunaferlisins. Jafnframt er mikilvægt að leggja áherslu á lykilstarfsmenn, starfsmannamál, virkt og raunsætt upplýsingaflæði og að sameinuð fyrirtæki hafi yfir að búa líkri fyrirtækjamenningu, séu að svipaðri stærð og hafi svipaða framtíðarsýn.

Author dc:creator

• Ásta Sóllilja Karlsdóttir 1981-

Contributors dc:contributor

• Háskólinn á Bifröst

• Félagsvísindi
• Samruni fyrirtækja
• Líðan
• Breytingastjórnun
• Starfsfólk
• Starfsánægja

Language dc:language.iso

is

Handle dc:identifier.uri

http://hdl.handle.net/1946/29746

OAI identifier oai:identifier

oai:skemman.is:1946/29746