Að breyttu breytanda : hver er ferill breytinga á hugbúnaði í Íslandsbanka og hvernig samræmist sá ferill almennum ferlum breytingastjórnunar?

Markmið þessarar rannsóknar er að greina núverandi ferli breytinga í hugbúnaði í Íslandsbanka. Í upphafi var lögð fram eftirfarandi rannsóknarspurning: Hver er ferill breytinga á hugbúnaði í Íslandsbanka og hvernig samræmist sá ferill almennum ferlum breytingastjórnunar? Til að leita svara við þessari spurningu er fræðilegur grunnur breytingastjórnunar og stjórnunar rýndur með áherslu á tengingu þar á milli. Gerð var rannsókn á upplifun starfsmanna Íslandsbanka á breytingastjórnun í upplýsingatækni. Viðtöl voru tekin við starfsmenn sem tengdust breytingastjórnunarferlinu, þau þemagreind og rýnt í niðurstöður. Breytingastjórnun hugbúnaðar í Íslandsbanka hefur breyst mikið til batnaðar síðustu ár. Upp kom gagnrýni á það hverjir tækju ákvarðanir um breytingar og í ljós kom að fyrirtækjamenning innan Íslandsbanka yfirvinnur oft á tíðum breytingastjórnunarferilinn. Gagnrýni kom fram um að upplýsing milli allra aðila væri verulega ábótavant. Helsta niðurstaða þessarar rannsóknar er sú að í raun hefur innleiðing þess ferils sem er við lýði ekki tekist fullkomlega. Lykilorð: Breytingastjórnun, straumlínustjórnun, hugbúnaðarþróun, hugbúnaðardreifing, kerfisrekstur.

Author dc:creator

• Bragi Þór Svavarsson 1971-

Contributors dc:contributor

• Háskólinn á Bifröst

• Breytingastjórnun
• Hugbúnaðargerð
• Bankar
• Viðskiptafræði
• Meistaraprófsritgerðir

Language dc:language.iso

is

Handle dc:identifier.uri

http://hdl.handle.net/1946/26826

OAI identifier oai:identifier

oai:skemman.is:1946/26826