„...Og þá opnaðist þessi heimur“ : viðhorf níu hljóðfæraleikara til menntunar sinnar og starfa

Í þessari rannsókn er leitast við að kanna viðhorf hljóðfæraleikara í klassískri tónlist til menntunar sinnar og atvinnu. Sérstaklega er sjónum beint að því hvort þær væntingar sem hljóðfæraleikarar hafa til starfa þegar þeir velja að gera hljóðfæraleik að atvinnu, reynist í samræmi við þann veruleika sem svo bíður á vinnumarkaði. Einnig er leitað eftir viðhorfum þeirra til framtíðar varðandi atvinnumál hljóðfæraleikara. Tekin voru viðtöl við níu hljóðfæraleikara í klassískri tónlist. Fjórar konur og fimm karlar svöruðu þremur megin spurningum. Helstu niðurstöður rannsóknarinnar eru þær að það þarf mikla þjálfun frá bernsku til að verða atvinnuhljóðfæraleikari. Svo virðist sem hvatning og áhugi frá umhverfinu skipti miklu varðandi það hvernig börn heillast af tónlist. Kröfur eru gríðarlega miklar í greininni og allir þátttakendur sóttu sér langt framhaldsnám erlendis. Enginn þeirra valdi að gera tónlist að atvinnu vegna hugmynda um há laun eða atvinnuöryggi. Enginn þeirra taldi sig hafa orðið fyrir vonbrigðum í starfi þótt umhugsunarefnin séu mörg. Flestir þátttakendur höfðu leitt hugann að því kalli samtímans að með tilkomu tölvutækni og hnattvæðingar sé hlutverk hljóðfæraleikara að breytast. Þessi breyting varðar margs konar nýjar nálgunarleiðir og samþættingu listgreina og tónlistarstíla sem kallast nú á við það hlutverk hljóðfæraleikara að viðhalda þeim menningararfi sem við höfum þegið og að tónverkin, sem sum hver hafa lifað í aldir, verði aðgengileg komandi kynslóðum. Lykilorð: Hljóðfæraleikari, klassísk tónlist, habitus, kröfur, menningarauður.

Author dc:creator

• Guðrún Sigríður Birgisdóttir 1956-

Contributors dc:contributor

• Háskólinn á Bifröst

• Hljóðfæraleikur
• Sígild tónlist
• Atvinnumál
• Hljóðfæraleikarar
• Menntun
• Meistaraprófsritgerðir

Language dc:language.iso

is

Handle dc:identifier.uri

http://hdl.handle.net/1946/26817

OAI identifier oai:identifier

oai:skemman.is:1946/26817