Koma tímar koma ráð : hugmyndir um framtíðarhlutverk félagsheimilanna í Húnaþingi vestra

„Koma tímar koma ráð: Hugmyndir um framtíðarhlutverk félagsheimilanna í Húnaþingi vestra“ er rannsóknarverkefni sem snýst um að safna hugmyndum og skoða möguleika varðandi notkun á félagsheimilunum í Húnaþingi vestra. Tilgangur rannsóknarinnar er að draga fram hugmyndir sem stuðla að betri nýtingu og/eða breyttu hlutverki félagsheimilanna. Rannsóknarspurningarnar eru tvær. Í fyrsta lagi: hvernig er hægt að nýta félagsheimilin í Húnaþingi vestra betur og hvert er mögulegt framtíðarhlutverk þeirra? Í öðru lagi: er nauðsynlegt að endurhanna tilgang félagsheimilanna í Húnaþingi vestra í ljósi breyttra tíma? Rannsóknaraðferðin sem var höfð að leiðarljósi við gerð þessa verkefnis er afsprengi eigindlegra rannsóknaraðferða félagsvísinda og ákveðinna eiginleika listrænna starfshátta (e. artistic practice), í rannsóknarferlinu er fléttað saman ritgerð og aðferðum lista í hugmyndavinnu. Helstu niðurstöður eru að í ljósi breyttra tíma þurfi að endurskilgreina hlutverk og móta sameiginlega stefnu fyrir félagsheimilin í Húnaþingi vestra og að það þurfi einhvern drífandi og sterkan aðila til að stýra húsunum og að það hafist tæplega í sjálfboðastarfi. Í niðurstöðum eru svo einnig dregnar upp myndir af mögulegu framtíðarhlutverki félagsheimilanna. Lykilorð: Listrannsóknir, hugmyndavinna, félagsheimili, Húnaþing vestra.

Author dc:creator

• Auður Arna Oddgeirsdóttir 1981-

Contributors dc:contributor

• Háskólinn á Bifröst

• Félagsheimili
• Húnaþing vestra
• Meistaraprófsritgerðir

Language dc:language.iso

is

Handle dc:identifier.uri

http://hdl.handle.net/1946/23718

OAI identifier oai:identifier

oai:skemman.is:1946/23718