Rannsóknar- og eftirlitshlutverk Alþingis og breska þjóðþingsins : þáttur þeirra í þingeftirliti

Meginmarkmið þessarar ritgerðar er að gera grein fyrir hlutverki eftirlits- og rannsóknarnefnda Alþingis og breska þjóðþingsins og þætti þeirra nefnda við þingeftirlit. Umfjöllun og samanburður um starfshætti nefnda þessara þjóðþinga þótti áhugaverð sökum langrar hefðar þingeftirlits í Bretlandi og eins vegna þess að í Bretlandi, líkt og á Íslandi, tíðkast ákveðin átakastjórn. Með nýlegum breytingum á þingskapalögum hér á landi er í fyrsta sinn kveðið á um þingeftirlit í lögum. Þá hefur kerfi fastanefnda Alþingis verið endurskipulagt og hlutverki þeirra breytt nokkuð. Eins er kveðið á um upplýsinga- og sannleiksskyldu ráðherra í lögunum. Þessar breytingar, auk setningar laga um rannsóknarnefndir og breytinga á verklagsreglum fastanefndanna hafa styrkt lagaumhverfi þingeftirlits mjög og er það nú eins gott og á verður kosið. Stjórnskipun Bretlands er um margt ólík þeirri íslensku en nefndarstarf gegnir miklu hlutverki í störfum þingsins. Þar fylgir hver fastanefnd þingsins samsvarandi ráðuneyti, fylgist með störfum þess og veitir því aðhald. Gagnlegt getur reynst að kanna störf eftirlits- og rannsóknarnefnda þessa tveggja þjóðþinga, hlutverk þeirra við þingeftirlit og bera saman, þó ólík séu.

Author dc:creator

• Bergþóra Rúnarsdóttir 1982-

Contributors dc:contributor

• Háskólinn á Bifröst

• Lögfræði
• Stjórnskipunarréttur
• Rannsóknarnefndir
• Alþingi
• Eftirlitsnefndir
• Ráðherraábyrgð

Language dc:language.iso

is

Handle dc:identifier.uri

http://hdl.handle.net/1946/16166

OAI identifier oai:identifier

oai:skemman.is:1946/16166