Ábyrgð fjölmiðlamanna á ærumeiðandi efni með sérstakri hliðsjón af dómaframkvæmd Mannréttindadómstóls Evrópu

Almennt er tjáningarfrelsi fjölmiðlamanna talið nauðsynlegt hverju lýðræðisþjóðfélagi. Rétturinn til að tjá hug sinn nýtur stjórnarskrárverndar á Íslandi en einskorðast ekki við tiltekinna stétt manna. Vegna þess að rétturinn gegnir lýðræðislegum og þjóðfélagslegum hagsmunum nýtur rétturinn til frjálsrar fjölmiðlunar einnig ríkrar verndar og leiðir af rétti allra manna. Stjórnarskráin heimilar þó löggjafanum að takmarka með lögum, að ákveðnum skilyrðum uppfylltum, þennan rétt í því skyni að vernda aðra engu síðri hagsmuni þar á meðal réttindi og mannorð annarra. Æra manna fellur undir mannorð þeirra og hefur notið réttar- og refsiverndar frá fyrstu tíð. Í raun hefur æra manna notið sérstakrar verndar að lögum lengur en sjálft tjáningarfrelsið sem fjölmiðlar síðan vaxa og dafna í. Í ritgerðinni leitast höfundur við að gera grein fyrir helstu álitaefnum í tengslum við ábyrgð fjölmiðlamanna á ærumeiðandi efni í ljósi þeirrar fjölgunar sem orðið hefur í meiðyrðamálum á hendur þeim og þá sérstaklega hver ábyrgð viðmælanda, blaðamanna, ritstjóra og útgefanda er og hvernig henni er við komið. Leitast var við að greina helstu álitaefni og sjónarmið sem íslenskir dómstólar byggja á við úrlausn meiðyrðamála. Ekki verður annað ráðið af þeirri yfirferð en að íslenskir fjölmiðlamenn njóti frelsis þegar þeir fjalla um þjóðfélagsmál sem varða almenning. Þegar höfð er hliðsjón af dómaframkvæmd mannréttindadómstóls Evrópu má þó glöggt sjá að íslenskir dómstólar hafa ekki fylgt dómstólnum að málum í öllu. Má þar helst nefna sjónarmið mannréttindadómstólsins um útbreiðslu ummæla, góða trú fjölmiðlamanna og ábyrgð á ummælum viðmælanda.

Author dc:creator

• Sunna María Jóhannsdóttir 1985-

Contributors dc:contributor

• Háskólinn á Bifröst

• Lögfræði
• Mannréttindi
• Fjölmiðlar
• Tjáningarfrelsi

Language dc:language.iso

is

Handle dc:identifier.uri

http://hdl.handle.net/1946/14086

OAI identifier oai:identifier

oai:skemman.is:1946/14086