Tækifæri og ógnanir við hagsmuni Íslendinga á Norðurslóðum

Framtíðarhagsmunir Íslendinga á Norðurslóðum eru miklir, sökum þess hversu auðugt svæðið er af náttúruauðlindum og vegna möguleika á auknum siglingum um svæðið í kjölfar bráðnunar Norðurskautsíshellunnar. Samfara auknum umsvifum á svæðinu skapast áhugaverð tækifæri til atvinnuuppbyggingar og fjárfestingar sem gætu haft jákvæð áhrif á íslenskt efnahagslíf. Samhliða þessum tækifærum má þó einnig greina ákveðnar ógnir við íslenska hagsmuni. Í kjölfar aukinna umsvifa á svæðinu eykst hætta á neikvæðum áhrifum á umhverfi svæðisins sem haft getur alvarleg áhrif á efnahagsþróun Íslands enda eru þær greinar sem skapa gjaldeyristekjur fyrir þjóðarbúið, sjávarútvegur og ferðaþjónusta, mjög viðkvæmar fyrir mengun og umhverfisslysum. Afkoma þessara atvinnugreina byggist að miklu leyti á ímynd Íslands sem óspillts og ómengaðs og tengingar þess við hugmyndina um hreinleika ósnertrar náttúru norðurslóða. Ef alvarleg mengunarslys eiga sér stað á norðurslóðum er því einnig hætta á að það geti haft alvarleg áhrif á ímynd Íslands og skaðað þannig efnahagslega hagsmuni landsins.

Author dc:creator

• Guðmundur Magnússon 1966-

Contributors dc:contributor

• Háskólinn á Bifröst

• Félagsvísindi
• Heimskautasvæði
• Gróðurhúsaáhrif
• Auðlindir

Language dc:language.iso

is

Handle dc:identifier.uri

http://hdl.handle.net/1946/10044

OAI identifier oai:identifier

oai:skemman.is:1946/10044