Þróun vistkerfis frá sandauðn til votlendis

Jöklar á Íslandi hafa að mestu leyti hopað frá lokum litlu-ísaldar en henni lauk um árið 1890. Í kjölfarið hafa jökulár smám saman fest sig í farvegi. Við meiri stöðugleika hafa vistkerfin framan við jökla þróast og jarðvegsmyndun hafist. Í þessari ritgerð verður fjallað um þróun vistkerfis á Breiðamerkursandi á Suðausturlandi. Votlendi hefur myndast á svæði sem áður var jökulsandur. Útbreiðsla votlendisins var kortlögð eftir loftmyndum, jarðvegssýni tekin innan skilgreindrar útbreiðslu og sýrustig og kolefnis- og niturhlutfall jarðvegsins mælt. Niðurstöðurnar benda til þess að mest kolefni og nitur safnast á bökkum tjarna og lækja og þar sem gul- og loðvíðir vex en að of mikil bleyta hafi hamlað uppsöfnun, líklega vegna lakari vaxtarskilyrða á þeim svæðum. Við þúfur geta víðiplöntur hjálpað til við uppsöfnun kolefnis og niturs og þar getur kolefnishlutfall mælst hátt en í sjálfri þúfunni eru vaxtarskilyrði lakari þar sem að jarðvegur eru þurrari. Rannsóknin sýndi að sýrustig jarðvegs fer lækkandi með aldrinum og að uppsöfnun kolefnis og niturs í jarðvegi eykst með aldri vistkerfisins. Útbreiðsla votlendisins á Breiðamerkursandi hefur nærri tvöfaldast á árunum 1968-2004.

Author dc:creator

• Íris Ragnarsdóttir Pedersen 1995-

Contributors dc:contributor

• Landbúnaðarháskóli Íslands

• Binding kolefnis
• Sýrustig í jarðvegi í votlendi
• Þykkt lífræns lags í jarðvegi
• Jarðvegsmyndun

Language dc:language.iso

is

Handle dc:identifier.uri

http://hdl.handle.net/1946/36049

OAI identifier oai:identifier

oai:skemman.is:1946/36049