Tsenguluso ya thero ya vhuhovheleli kha nganea mbili dza Tshivenda dzo tou nanguludzwaho: " Tshi do lilwa" na "Murabeli"

Vhutshiloni hu na vhathu vhane vha vha na vhuhovheleli. Kha vhenevho hu na vhaṅwe vhane vhuhovheleli havho ha vha vhuedza arali hu havhuḓi, na vhaṅwe vhane vhuhovheleli havho ha sa vha vhuedze arali hu vhuvhi, madzuloni a u vha vhuedza ha tou vha dzhenisa khakhathini. Vhohovheleli kha maṅwalwa a ḽitheretsha ndi musi muṅwe wa mubvumbedzwa a na lutamo lwa u swikela zwiṅwe zwithu sa u funzea, u pfuma kana u vha na mabindu. Musi a tshi tikedza muhumbulo wo bulwaho afho nṱha Merton (2016:370) u ri: “An ambitious person is someone always striving to reach a goal through hard work, dedication and perseverance”. Hezwo zwi amba uri muthu wa vhuhovheleli ndi muthu ane a lwela u swikela tshipikwa tshawe nga u shumesa, u ḓiimisela na u konḓelela. Ndivho ya mushumo uyu ndi u sengulusa thero ya vhuhovheleli kha nganea mbili dzo tou nanguludzwaho dzine dza vha Tshi ḓo lilwa (Phaswana, 2000) na Murabeli (Mamafha, 2019). Vhuhovheleli kha nganea dza Tshivenḓa a hu athu u vhuya ha itwa ngaho ṱhoḓisiso. Tshipikwa tshihulwane tsha mushumo uyu ndi u sengulusa zwi no vhangwa nga vhuhovheleli huvhi na vhuhovheleli huvhuya uri hu kone u tsivhudzwa vhadzulapo nga masiandaitwa a vhuhovheleli havho na zwivhuya zwine vhuhovheleli havho ha nga vha ḓisela zwone. Mushumo uyu wo shumisa ngona ya khwaḽithethivi. Kha tsenguluso ya maṅwalwa ho shumiswa tsenguluso ya ‘document analysis. Kha mushumo uyu ho tevhelwa thyori ya ‘Literary Criticism’. Mawanwa e a wanala kha uyu mushumo ndi u wanulula zwauri vhunzhi ha vhathu ano maḓuvha vha khou ḓidzhenisa kha vhuhovheleli vhuvhi uri vha kone u bvelela vhutshiloni. Nga ṅwambo wa hezwo hoyu mushumo u khou sumbedza uri naho vhuhovheleli kha maṅwalwa vhu tshi nga bveledza zwivhuya kha muṅwe wa vhabvumbedzwa, a si tshifhinga tshoṱhe hune zwa nga tou ralo ngauri tshiṅwe tshifhinga vhu nga bveledza khombo kha mubvumbedzwa onoyo kana kha vhaṅwe vhathu vhane vha vha tsini nae arali mubvumbedzwa onoyo a songo tevhela nḓila dzavhuḓi kha u swikela zwipikwa zwawe.

Author dc:creator

• Nevhulamba, Nditsheni Witness

Advisors dc:contributor.advisor

• Mathabi, M.
• Makhado, A. J.

• Vhuhovheleli
• Vhuhovheleli havhudi
• Litheretsha khathihi na nganea
• Vhuhovheleli vhuvhi
• UCTD

Statement dc:rights

• University of Venda

Language dc:language.iso

other

Repository record dc:identifier.uri

https://univendspace.univen.ac.za/handle/11602/2677

OAI identifier oai:identifier

oai:univendspace.univen.ac.za:11602/2677