Ffactorau sydd yn dylanwadu ar rieni wrth iddynt ddewis cyfrwng addysg gynradd i'w plant mewn ardal benodol yn Sir Gaerfyrddin

Bwriad Llywodraeth Cynulliad Cymru (LlCC) yw creu cynnydd o 5% yn nifer siaradwyr y Gymraeg erbyn 2011 o gymharu â nifer Cyfrifiad 2001. Yn ôl Redknap (2006), golygai hynny gynnydd o 160,000. Er mwyn sicrhau’r cynnydd hwnnw, ystyrir bod gan y gyfundrefn addysg swyddogaeth allweddol. Yn ôl Redknap (2006), ymddengys y bydd angen cynnydd sylweddol yn nifer y disgyblion sydd yn derbyn addysg trwy gyfrwng y Gymraeg yn y sector cynradd i sicrhau’r twf angenrheidiol. Beth bynnag, er i’r ystadegau dros y blynyddoedd ddangos cynnydd amlwg yn nifer y disgyblion sydd yn mynychu sefydliadau cyfrwng-Cymraeg, gan gynnwys plant o gefndiroedd ieithyddol Cymraeg, Saesneg a chymysg, ac er gwaethaf tystiolaeth gadarnhaol iawn o faes ymchwil am fanteision gwybyddol a deallusol dwyieithrwydd (Peal a Lambert, 1962; Cummins, 1987; May et al., 2004), dengys ystadegau LlCC bod y mwyafrif o rieni yn dewis addysg cyfrwng-Saesneg i'w plant. Yn wyneb dymuniad LlCC i gynyddu nifer siaradwyr y Gymraeg felly, rhaid ystyried beth fydd effaith y tueddiadau presennol ar y nod hwnnw. Seilwyd yr ymchwil hwn ar arolwg o sylwadau ac agweddau rhieni sydd wedi gosod eu plant mewn modelau gwahanol o ddarpariaeth ieithyddol, sef ysgol gynradd Gymraeg benodedig (ysgol Categori 1), ysgol gynradd cyfrwng-Saesneg (ysgol Categori 5) ac ysgol dwy ffrwd (ysgol Categori 2). Ystyrir pa ffactorau fu’n ddylanwadol wrth i’r rhieni hynny ddewis ysgol i’w plant ynghyd â’r ffactorau a’u rhwystrodd rhag dewis addysg cyfrwng Cymraeg. Daw’r ymchwil hwn i’r casgliad bod lle i hyrwyddo manteision dwyieithrwydd ac addysg cyfrwng-Cymraeg yn fwy egnïol yn lleol ac yn genedlaethol.

Name dc:type.qualificationname

ma

Level dc:type.qualificationlevel

masters

Grantor dc:publisher.institution

University of Wales Trinity Saint David

Year dc:date.issued

2010

Author dc:creator

• Davies, Llinos Mai

• L Addysg (Cyffredinol)
• P Ieitheg. Ieithyddiaeth

Language dc:language

other

Dc Identifier Grantnumber

UWTSD

OAI identifier oai:identifier

oai:repository.uwtsd.ac.uk:399