Þegar fósturfrávik greinast á meðgöngu. Reynsla foreldra og heilbrigðisstarfsfólks

Greining á fósturfrávikum getur verið mikið áfall fyrir foreldra. Fræðsla og stuðningur eru því mikilvægir þættir í þjónustu við foreldra á þessum tímamótum. Tilgangur þessarar fræðilegu samantektar er að fjalla um upplifun og þarfir foreldra þegar fósturfrávik greinast á meðgöngu, reynslu heilbrigðisstarfsfólks af því að greina frá niðurstöðum og kanna hvað megi betur fara í þessu ferli. Meginniðurstöður þessarar samantektar eru þær, að fræðsla og stuðningur eru lykilþættir í þjónustu heilbrigðisstarfsfólks við foreldra. Helstu þarfir foreldra auk upplýsinga og stuðnings eru að starfsfólk sýni þeim virðingu, að báðir foreldrar séu hafðir með í ráðum í ferlinu og að þeir hljóti einstaklingsmiðaða þjónustu og fjölþætta fræðslu. Heilbrigðisstarfsfólk er sammála um mikilvægi fræðslu en margir þættir virðast hafa áhrif á gæði hennar svo sem þekking, viðhorf og klínísk reynsla sem hafa mest áhrif auk ólíkra viðhorfa til þess hve miklar upplýsinga skuli veita. Þá eru skiptar skoðanir á um hver skuli veita fræðsluna og hvenær. Heilbrigðisstarfsfólk þarf að vera meðvitað um þær þarfir og þann stuðning sem foreldrar þurfa á þessum tíma. Auk þess þarf heilbrigðisstarfsfólk að hafa yfirgripsmikla þekkingu og reynslu til að lágmarka það andlega áfall sem foreldrar geta gengið í gegnum þegar þeir fá vitneskju um fósturfrávik ófædds barns þeirra. Lykilorð: Fósturgreining, upplifun, stuðningur, fræðsla, þarfir.

Authors dc:creator

• Sigurborg Skúladóttir Kaldal 1986-
• Sigrún Erla Sveinsdóttir 1986-

Contributors dc:contributor

• Háskóli Íslands

• Hjúkrunarfræði
• Fósturgreining
• Meðganga

Language dc:language.iso

is

Handle dc:identifier.uri

http://hdl.handle.net/1946/8797

OAI identifier oai:identifier

oai:skemman.is:1946/8797