Nýfædda barnið, mjólkurmyndun og brjóstagjöf. Fræðileg samantekt

Á síðustu árum hefur verið lögð aukin áhersla á að skoða hlutverk nýburans við brjósta-gjöf. Hann notar allt að 20 ósjálfráð viðbrögð við brjóstagjöf. Nýburinn hefur sjálfur hæfileika til að komast á brjóst sé hann á réttum stað þ.e. á bringu eða kvið móður, hvort sem hann er vakandi eða sofandi en hann þarf á mjög tíðum brjóstagjöfum að halda fyrstu dagana. Erlendar rannsóknir sýna að seinkað mjólkurmyndunarferli II er staðreynd hjá mörgum konum, sérstaklega frumbyrjum, konum sem hafa átt erfiða fæðingu, eftir keisarafæðingu og of þungum konum. Seinkuð mjólkurmyndun hefur verið tengd við minni farsæld brjósta-gjafar. Það er margt sem bendir til þess að hægt sé að hafa áhrif á mjólkurmyndun og næringu barns fyrstu dagana og jafnframt mjólkurframleiðslu síðar meir sé hugað að vissum þáttum strax við fæðingu. Ný kenning um „líffræðilegt uppeldi“ varpar ljósi á þarfir nýburans, kemur móður og barni í jafnvægi, hvetur til tíðrar brjóstagafar fyrstu dagana og styður við brjóstagjöf til lengri tíma. Hún setur barn í kjöraðstæður sem veitir því stöðuga samfellu í hita, næringu og umönnun fyrstu daga lífsins. Mikilvægt er að grípa inn í ferlið ef seinkun verður á mjólkurmyndun. Ljósmæður á Íslandi gegna lykilhlutverki við að styðja við brjóstagjöf með ráðgjöf sinni, fræðslu og meðferð.

Author dc:creator

• Hulda Sigurlína Þórðardóttir 1963-

Contributors dc:contributor

• Háskóli Íslands

• Ljósmóðurfræði
• Brjóstagjöf
• Nýburar

Language dc:language.iso

is

Handle dc:identifier.uri

http://hdl.handle.net/1946/8776

OAI identifier oai:identifier

oai:skemman.is:1946/8776