Ég frétti það á Facebook: Vinsældir frétta á stærsta samfélagsvef heims

Á stærsta samfélagsvef heims, Facebook, er hægt að deila tenglum á fréttir veffréttamiðla. Vegna þessa gegnir Facebook sívaxandi hlutverki fréttaveitu hjá almenningi, en nú til dags kemur um fimmtungur þeirra sem heimsækja mbl.is á hverjum degi beint þaðan. Ritgerð þessi byggist á tvíþættri megindlegri rannsókn. Fyrri hluti kannar í hversu miklum mæli háskólanemar nota Facebook til að afla sér frétta og dreifa þeim. Einnig hvers konar efni þeir dreifa helst. Síðari hluti kannar hvers konar fréttir fá flestar tilvísanir frá Facebook á mbl.is. Niðurstöðurnar eru svo bornar saman við vinsælustu fréttir annarra lesenda. Einnig er skoðað hvort tilvísunum frá Facebook fjölgaði með tilkomu „Líkar“- hnapps. Niðurstöðurnar sýna fram á að háskólanemar eru duglegir við að dreifa fréttaefni á Facebook og að lesa það sem aðrir deila. Afþreyingarefni er í meirihluta þess efnis sem þeir dreifa, en hefðbundnar fréttir fá lítið pláss. Afþreyingarefni er þar að auki í miklum meirihluta þess efnis sem fær flestar tilvísanir frá Facebook. Aðrir lesendur mbl.is lesa líka mikið af afþreyingarefni, en einnig eru andlátsfréttir mjög vinsælar. Rannsóknin sýnir fram á að það margborgar sig fyrir veffréttamiðla að bjóða upp á „Líkar“- takka, því tilvísunum frá Facebook hefur fjölgað gríðarlega með tilkomu hans.

Author dc:creator

• Lovísa Árnadóttir 1979-

Contributors dc:contributor

• Háskóli Íslands

• Blaða- og fréttamennska
• Vefmiðlar
• Facebook

Language dc:language.iso

is

Handle dc:identifier.uri

http://hdl.handle.net/1946/7970

OAI identifier oai:identifier

oai:skemman.is:1946/7970