Forvarnargildi íþrótta og munntóbak

Í þessu verkefni var sjónum beint að tengslum íþróttiðkunar unglinga með íþróttafélagi við notkun þeirra á áfengi og tóbaki. Sérstök áhersla var lögð á að skoða tengsl íþróttaiðkunar með íþróttafélagi og notkun á munntóbaki. Stuðst var við fyrri rannsóknir sem hafa sýnt að unglingar sem iðka íþróttir með íþróttafélagi neyta síður áfengis og tóbaks en þeir sem stunda ekki íþróttir. Jafnframt gera kenningar í félagsfræði ráð fyrir því að þeir sem eru í góðum tengslum við stofnanir samfélagsins séu ólíklegri til að sýna af sér frávikshegðun. Í ritgerðinni verður vitnað í fyrri rannsóknir og vísað í kenningar um viðfangsefnið. Til að skoða tengslin betur voru notuð gögn frá rannsóknarmiðstöðinni Rannsóknum og greiningu úr rannsókn á nemendum í 8., 9. og 10. bekk á Íslandi árið 2008. Niðurstöðurnar sýndu að þeir unglingar sem stunda íþróttir með íþróttafélagi nota síður áfengi og reykja síður en þeir sem stunda ekki íþróttir. Aftur á móti mældist lítill munur á þeim sem stunduðu íþróttir með íþróttafélagi og þeim sem gerðu það ekki þegar notkun munn- og neftóbaks var skoðuð.

Author dc:creator

• Halldór Árnason 1984-

Contributors dc:contributor

• Háskóli Íslands

• Félagsfræði
• Forvarnir
• Íþróttaiðkun
• Munntóbak
• Áfengisneysla
• Unglingar

Language dc:language.iso

is

Handle dc:identifier.uri

http://hdl.handle.net/1946/7219

OAI identifier oai:identifier

oai:skemman.is:1946/7219