Gjaldtaka á ferðamannastöðum. Viðhorf Íslendinga

Margir ferðamannastaðir á Íslandi eru farnir að láta á sjá vegna aukins fjölda ferðamanna og álags síðustu ár. Ferðamönnum fjölgar hratt en uppbygging helstu ferðamannastaða stendur í stað. Ríkisstjórnin ver hluta af skatttekjum í uppbyggingu ferðamannastaða en ljóst er að þörf er á mun meira fjármagni til að staðirnir standist kröfur og væntingar ferðamanna. Stjörnvöld hafa því rætt um að koma á gjaldtöku í einhverri mynd á ferðamannastöðum. Það er hægt að fara margar leiðir að slíkri gjaldtöku en stjórnvöld hafa einblínt mest á svokölluð gistináttagjöld sem yrðu sett á allar seldar gistinætur í landinu og farþegagjöld, sem yrðu sett á öll fargjöld til og frá landinu. Ekki hefur enn náðst niðurstaða um hvaða leið verður farin í málinu. Þessi rannsókn kannaði viðhorf Íslendinga til væntanlegrar gjaldtöku. Aðrar rannsóknir hafa einblínt meira á áhrif gjaldtöku á erlenda ferðamenn á Íslandi en hér var horft til heimamannanna. Niðurstöður rannsóknarinnar sýna fram á að meiri hluti Íslendinga styðja gjaldtökur sem fara í uppbyggingu ferðamannastaða en svo eru skiptar skoðanir um hvernig og hvaðan peningarnir eigi að koma.

Author dc:creator

• Ásta Ragna Stefánsdóttir 1986-

Contributors dc:contributor

• Háskóli Íslands

• Ferðamálafræði
• Ferðamannastaðir
• Gjaldtaka
• Ísland

Language dc:language.iso

is

Handle dc:identifier.uri

http://hdl.handle.net/1946/6991

OAI identifier oai:identifier

oai:skemman.is:1946/6991