Nútímahlutverk félagsráðgjafa: áhrifaþættir og framtíðaráskoranir

Í þessari ritgerð er fjallað um sögu og þróun félagsráðgjafar sem náms- og starfsgreinar, allt frá frumkvöðlastarfi kvenna til nútímalegrar og faglegrar þjónustu sem leggur áherslu á gagnreynda þekkingu með siðferðilegum grunni. Sjónum höfundar er beint að helstu kenningum og aðferðum sem mótað hafa félagsráðgjöf og hvernig þær nýtast í daglegu starfi. Rannsóknarspurningin snýr að því hvernig áskoranir nútímans, svo sem tækniframfarir, hnattvæðing og lýðfræðilegar breytingar, vegna hækkandi lífaldurs, hafa áhrif á störf félagsráðgjafa. Helstu niðurstöður benda til þess að félagsráðgjafar standi frammi fyrir fjölbreyttum og síbreytilegum áskorunum sem krefjast aðlögunarhæfni, fagmennsku og víðsýni. Áhersla er lögð á mikilvægi þess að nýta kenningar á borð við vistfræðikenningu Bronfenbrenners, feminískar kenningar og styrkleikakenninguna til að mæta þörfum skjólstæðinga með virðingu og heildarsýn að leiðarljósi. Einnig er fjallað um mikilvægi þess að sinna eigin andlegri og líkamlegri líðan ásamt því að skapa skilyrði fyrir handleiðslu og starfsánægju. Ritgerðin undirstrikar nauðsyn þess að þróa félagsráðgjöf áfram í takt við samfélagslegar breytingar og mikilvægi þess að auka rannsóknir á sviðinu. Höfundur leggur áherslu á að áskoranir nútímans geti jafnframt falið í sér tækifæri til faglegrar þróunar og nýsköpunar í þágu velferðarsamfélagsins. Efnisorð: félagsráðgjöf, störf félagsráðgjafa, saga og þróun félagsráðgjafar, áskoranir og tækifæri.

Author dc:creator

• Inga Fanney Rúnarsdóttir 1991-

Contributors dc:contributor

• Háskóli Íslands

• Félagsráðgjöf
• Félagsráðgjafar
• Saga
• Hlutverk

Language dc:language.iso

is

Handle dc:identifier.uri

https://hdl.handle.net/1946/51383

OAI identifier oai:identifier

oai:skemman.is:1946/51383