Cyberbullying Among Icelandic University Students: Prevalence, Manifestations, and Perpetrators' Personality Traits

Dökka fjórmenningarlíkanið (e. Dark Tetrad) á persónuleikaeinkennum (þ.e. Machiavellianismi, sjálfsdýrkun (e. narcissism), siðblinda og sadismi) hefur ítrekað verið tengt við andfélagslega hegðun í stafrænu umhverfi, m.a. neteinelti. Tilgangur þessarar rannsóknar var að kanna algengi og birtingarmyndir neteineltis meðal háskólanema ásamt forspárgildi Dark Tetrad, upplifun fórnalamba neteineltis og mynstur samfélagsmiðlanotkunar og -fíknar. Þessi rannsókn leitast við að varpa ljósi á flókið samspil persónueinkenna, netnotkunar og andfélagslegrar hegðunar á netinu. Alls tóku 71 grunnnemi við Háskóla Íslands þátt og svöruðu spurningum um athafnir sínar á netinu og persónueinkenni. Niðurstöður leiddu í ljós að neteinelti hafði jákvæða fylgni við alla fjóra persónuleikaþætti Dark Tetrad en sambandið milli sjálfsdýrkunar og neteineltis náði ekki tölfræðilegri marktekt. Niðurstöður margfaldrar línulegrar aðhvarfsgreiningar sýndu fram á að einungis fyrri upplifun þátttakenda af því að verða fyrir neteinelti (e. cyber victimization) spáði marktækt fyrir um að þeir beittu aðra neteinelti (e. cyberbullying perpetration). Hvorki Dark Tetrad né óhófleg samfélagsmiðlanotkun (e. social media disorder) reyndust marktækir forspárliðir. Viðbótargreiningar leiddu í ljós að sjálfsdýrkun og machiavellianismi höfðu tengsl við athyglissækni á samfélagsmiðlum, sem gæti haft óbein tengsl við andfélagslega hegðun á netinu. Þessar niðurstöður benda til þess að fyrri reynsla af því að verða fyrir neteinelti sé sterkari undirstaða fyrir skilning á neteinelti meðal háskólanema en andfélagsleg persónueinkenni ein og sér. Lykilorð: Neteinelti; Dökka fjórmenningarlíkanið; Dökka þrímenningarlíkanið; Sadismi; andfélagsleg nethegðun; persónuleiki; samfélagsmiðlafíkn; Fórnalömb neteineltis

Authors dc:creator

• Elísa Marie Guðjónsdóttir 2001-
• Ólína Helga Sverrisdóttir 2000-

Contributors dc:contributor

• Háskóli Íslands

• Sálfræði
• Einelti
• Háskólanemar

Language dc:language.iso

en

Handle dc:identifier.uri

https://hdl.handle.net/1946/50391

OAI identifier oai:identifier

oai:skemman.is:1946/50391