Samkenndarþreyta og samkenndarsátt meðal félagsráðgjafa á Íslandi

Þessi rannsókn fjallar um samkenndarþreytu og samkenndarsátt meðal félagsráðgjafa á Íslandi. Samkenndarþreyta felur í sér tilfinningalega og líkamlega þreytu sem stafar af því að hlusta á erfiða reynslu skjólstæðinga, á meðan samkenndarsátt lýtur að jákvæðri upplifun af því að veita aðstoð og sjá árangur vinnu sinnar. Í rannsókninni var notast við mælitækið Professional Quality of Life Scale (ProQol) til að meta þessi fyrirbæri og greina þá þætti sem hafa áhrif á þau, svo sem vinnuumhverfi, starfsreynslu og stuðningskerfi. Niðurstöðurnar sýna að meiri starfsreynsla tengist aukinni samkenndarsátt og minni samkenndarþreytu. Á hinn bóginn eru félagsráðgjafar sem starfa við álagsmikla málaflokka, svo sem barnavernd, líklegri til að upplifa hærri stig samkenndarþreytu. Stuðningsrík vinnuumhverfi, sem einkennast af góðri forystu og sterkum tengslum við samstarfsfólk, dregur verulega úr streitu og styður við vellíðan starfsmanna. Rannsóknin undirstrikar mikilvægi sjálfsumönnunar og stofnanalegs stuðnings við að byggja upp seiglu meðal starfsmanna. Þessi rannsókn bætir við takmarkaða þekkingu á Íslandi á þessu sviði og veitir hagnýtar upplýsingar fyrir stefnumótun og skipulag vinnustaða. Með því að takast á við rót vandans sem veldur samkenndarþreytu og efla verndandi þætti er hægt að tryggja betri líðan og árangur félagsráðgjafa og skjólstæðinga þeirra. Niðurstöðurnar eru mikilvægt innlegg í áframhaldandi umræðu og aðgerðir varðandi sjálfbærni í starfi félagsráðgjafa og skyldra starfsgreina. Lykilorð: Félagsráðgjöf, samkenndarsátt, samkenndarþreyta, ProQol, vinnuumhverfi

Author dc:creator

• Ingibjörg Anna Wium Pálmarsdóttir 1999-

Contributors dc:contributor

• Háskóli Íslands

• Félagsráðgjöf
• Félagsráðgjafar
• Samkennd

Language dc:language.iso

is

Handle dc:identifier.uri

https://hdl.handle.net/1946/48741

OAI identifier oai:identifier

oai:skemman.is:1946/48741