Ber er hver að baki nema sér bróður eigi : barnabók og greinargerð um upplifun og líðan systkina fatlaðra barna

Markmið verkefnisins er að varpa ljósi á þau áhrif, bæði jákvæð og neikvæð, sem það getur haft í för með sér að alast upp með fötluðu systkini. Það hefur verið sýnt fram á að þessi tiltekni hópur hefur meiri þolinmæði og skilning á fötlun en jafnaldrar þeirra en aftur á móti hefur líka verið sýnt fram á að þessi tiltekni hópur barna er í áhættuhópi á að þróa með sér kvíða og þunglyndi einhvern tímann á lífsleiðinni. Börn sem eiga fatlað systkini upplifa sig oft sem gleymda systkinið þar sem fatlaða systkinið þarf oft og tíðum á mikilli umönnun foreldra sinna að halda. Slíkt er oft tilkomið vegna þeirrar orku sem fer í að berjast við kerfið fyrir réttindum barna sinna. Það er því mikilvægt að standa þétt við bakið á þessum hópi og opna umræðuna um spurningar sem þau kunna að hafa en þessi tiltekni hópur fær oft og tíðum ekki tækifæri til að opna sig og ræða þær tilfinningar og vangaveltur sem á þeim hvíla. Þetta verkefni samanstendur af barnabók og greinargerð en í greinargerðinni er fræðilegum bakgrunni barnabókarinnar gerð skýr skil. Það er á æskuárunum sem við erum móttækilegust fyrir upplýsingum af ýmsum toga og því er barnabók tilvalið verkfæri til að ná sem best til þeirra barna sem áætlað er að ná til. Bókin er ætluð systkinum fatlaðra barna á aldrinum 8-10 ára en það er á þeim aldri sem börnin fara að átta sig á stöðu sinni innan samfélagsins. Bókin er hugsuð sem fræðsluefni fyrir þennan hóp þar sem börnum er gert kleift að spegla sig í sögupersónunum og þar af leiðandi átta sig á því að þau eru ekki ein. Bókinni er einnig ætlað að auðvelda systkinum fatlaðra barna með að láta skoðanir sínar og tilfinningar í ljós ásamt því að opna umræðuna um fjölbreytileikann. Lítið er til af fræðsluefni hérlendis fyrir þennan umrædda hóp og er því mikil þörf á aukningu þessa efnis.

Authors dc:creator

• Sandra Dögg Steinsdóttir 1997-
• Eva Rún Andradóttir 1999-

Contributors dc:contributor

• Háskóli Íslands

• BA ritgerðir
• Þroskaþjálfafræði
• Fatlað fólk
• Börn
• Systkinasambönd
• Líðan

Language dc:language.iso

is

Handle dc:identifier.uri

https://hdl.handle.net/1946/48408

OAI identifier oai:identifier

oai:skemman.is:1946/48408