Tengjumst : aðgengilegt smáforrit sem tengir saman fatlað fólk og aðstoðarfólk

Í samningi Sameinuðu þjóðanna um réttindi fatlaðs fólks er kveðið á um mikilvægi þess að fatlað fólk fái að lifa sjálfstæðu lífi og án aðgreiningar í samfélaginu. Þegar fötluðu fólki eru tryggð yfirráð yfir eigin lífi með því að stýra aðstoð sinni sjálf og ráða aðstoðarfólk sem hentar þeirra þörfum eru auknar líkur á að fyrrnefnd atriði séu tryggð. Á Íslandi er stór hópur fólks sem notast við stuðningsþjónustu, meðal annars við notendastýrða persónulega aðstoð (NPA), liðveislu og aðra stuðningsþjónustu. Undanfarin ár hefur þessi hópur stækkað umtalsvert, ekki síst vegna innleiðingu NPA. Ráðning starfsfólks getur reynst fötluðu fólki flókin og eru þær óaðgengilegar mörgum. Vegna staðalímyndarinnar um að fatlað fólk séu eilíf börn eru þau ekki alltaf höfð með í ráðum þegar verið er að taka ákvarðanir sem varða þeirra eigið líf og eru víða tækifæri til þess að auka aðkomu fatlaðs fólks að ferlinu. Markmið þessa BA-verkefnis er að setja upp aðgengilegt smáforrit sem eflir sjálfræði fatlaðs fólks með því að auðvelda aðgengi þeirra að ráðningu aðstoðarfólks. Markmið smáforritsins Tengjumst er að búa til aðgengilegan vettvang til að tengja saman notendur þjónustu og aðstoðarfólk. Þar getur notandinn valið sér aðstoðarmanneskju út frá þeim þáttum sem notandinn kýs og telur mikilvæga. Vonir standa til að það auki líkurnar á góðri pörun og leiði af sér farsælt samstarf, sem eflir velferð og sjálfræði einstaklingsins

Authors dc:creator

• Hekla Sóley Arnarsdóttir 1999-
• Alexandra Einarsdóttir 2000-
• Daði Steinn Jónsson 1996-

Contributors dc:contributor

• Háskóli Íslands

• BA ritgerðir
• Þroskaþjálfafræði
• Smáforrit
• Fatlað fólk
• Notendastýrð persónuleg aðstoð (NPA)
• Liðveisla

Language dc:language.iso

is

Handle dc:identifier.uri

http://hdl.handle.net/1946/48298

OAI identifier oai:identifier

oai:skemman.is:1946/48298