Frumþættir myndlistar sem námsefni : myndlistarkennsla fyrir yngsta stig

Markmið þessa M.Ed.-verkefnis er að hanna námsefni fyrir myndlistarkennslu á yngsta stigi í grunnskóla sem er heildstætt og kveikir áhuga nemenda á sköpun. Verkefnið er annars vegar fólgið í hönnun verkefnabókar fyrir myndmenntakennslu og hinsvegar fræðilegri greinargerð sem skýrir forsendur bókarinnar og val verkefna. Ákveðinn hluti af verkefnunum verður einnig í framhaldi birtur á vefsíðunni Listavefurinn.is. Tilgangurinn með því að birta verkefnin þar er að auka aðgengi kennara að skapandi verkefnum í myndmenntakennslu. Í þessari ritgerð er fjallað um rannsóknir og kenningar um myndlistarkennslu, ásamt því sem ég geri grein fyrir eigin starfskenningu. Fagmiðuð listkennsla (e. Discipline Based Art Education (DBAE)) fléttar saman listasögu og listrýni ásamt listsköpun og fagurfræði sem hentar vel til að skapa heildræna nálgun. Aðferðin hefur þó verið gagnrýnd fyrir að vera með of stífan ramma og tengja illa við samtímalist svo ég ákvað að styðjast við hluta af aðferðinni samhliða minni eigin starfskenningu. Verkefnið styðst einnig við Aðalnámskrá grunnskóla, frumþætti myndlistar, Heimsmarkmið Sameinuðu þjóðanna og grunnþætti menntunar. Við framkvæmd M.Ed.-rannsóknarinnar veturinn 2023-2024 hefur höfundur þróað og prófað ýmis verkefni við kennslu í myndlist gegnum vettvangsnám í M.Ed.-náminu og þá sérstaklega meðal barna á yngsta stigi í Barnaskólanum í Hafnarfirði.

Author dc:creator

• Ragnhildur Róbertsdóttir 1994-

Contributors dc:contributor

• Háskóli Íslands

Language dc:language.iso

is

Handle dc:identifier.uri

http://hdl.handle.net/1946/47599

OAI identifier oai:identifier

oai:skemman.is:1946/47599