Hvert stefnir íslenskur markaður ef marka má sögu CAPE? Íslenskur markaður borinn saman við aðra markaði heimsins ásamt því að bera saman geira út frá helstu kennitölum svo sem CAPE hlutfalli.

Markmið rannsóknarinnar voru nokkur, að sjá hvar Ísland, þá íslenska Úrvalsvísitalan standi í samanburði við hlutabréfa vísitölur annarra landa ásamt því að sjá hvort hægt sé að spá fyrir um stefnu hennar út frá sögulegum CAPE hlutföllum. Einnig að greina hvernig íslensk félög standi í samanburði við hvort annað, hvort þau séu yfir- eða undirverðlögð. Gerð var rannsókn á íslensku Úrvalsvísitölunni (OMXI15) í þeim tilgangi að sjá hvar Ísland stendur og hafi staðið miðað við önnur lönd. Farið er eftir rannsókn Norbert's Keimling frá árinu 2016, þar sem búið er að skoða fjölmörg lönd og bera þau saman en í þá rannsókn vantaði einmitt Ísland. Norbert Keimling notar aðallega svokallað CAPE (Cyclically adjusted price to earnings ratio) hlutfall við rannsókn sína þar sem er skoðað markaðsvirði fyrirtækis á móti tíu ára meðaltals hagnaðarsögu þess sem búið er að leiðrétta fyrir verðbólgu. Slíkt hið sama er því gert fyrir íslensku Úrvalsvísitöluna og Ísland sett í samanburð við aðrar þjóðir til ársins 2016 en einnig til dagsins í dag. Þar að auki var skoðuð þróun CAPE hlutfallsins af íslensku Úrvalsvísitölunni frá upphafi. Stuttlega var farið yfir mögulega þróun Úrvalsvísitölunnar á næstunni með því að gera aðhvarfsgreiningu (regression analysis) út frá sögulegri ávöxtun og sögulegu CAPE hlutfalli. Einnig var fimm ára CAPE hlutfall notað, þá er tekinn sögulegur hagnaður fyrirtækja síðastliðin fimm ár í stað þessara hefðbundnu tíu ára og skoðuð þróun hlutfallsins hjá fyrirtækjunum innan hvers geira Úrvalsvísitölunnar. Ásamt því að skoða aðrar kennitölur sem vinsælt er að nota við virðismat fyrirtækja svo sem V/I og V/H hlutföllin. Helstu niðurstöður sýna fram á að ef miðað er við söguleg CAPE hlutföll af íslensku Úrvalsvísitölunni þá getur verð á íslenskum hlutabréfum verið að stefna í tvær mjög ólíkar áttir. Þegar aðhvarfsgreining er gerð af sögulegum CAPE hlutföllum ásamt sögulegri ávöxtun og jafna frá Norbert Keimling nýtt, þá sýna þær niðurstöður ekki bjarta spá framundan. Þá er spurning hvort sé yfirhöfuð að marka söguleg hlutföll Úrvalsvísitölunnar vegna þeirra breytinga sem hún hefur gengist undir í gegnum tíðina ásamt því hve óskilvirkur íslenskur markaður hefur verið fram til þessa. Þegar fyrirtæki í sama geira innan Úrvalsvísitölunnar eru borin saman má sjá margvíslegar niðurstöður. Ekki er þó hægt að segja hvaða fyrirtæki standi best, verst og þ.h. þar sem markmið hvers og eins fjárfestis eru jafn misjöfn og þeir eru margir.

Author dc:creator

• Ólafía Sigurrós Bjarkadóttir 1999-

Contributors dc:contributor

• Háskóli Íslands

• Viðskiptafræði
• Fjármál fyrirtækja

Language dc:language.iso

is

Handle dc:identifier.uri

http://hdl.handle.net/1946/46976

OAI identifier oai:identifier

oai:skemman.is:1946/46976