Húrra fyrir Gleði-Glaumi! Sagan af Bláa hnettinum í ljósi sálfræðikenninga

Ritgerðin fjallar um Söguna af Bláa hnettinum (1999) eftir Andra Snæ Magnason og sagan skoðuð út frá sálgreiningu, einna helst kenningum Sigmund Freud. Sagan af Bláa hnettinum er vinsæl barnabók sem hlaut íslensku bókmenntaverðlaunin árið 1999 og varð fyrsta barnabókin til að hljóta þessi virtu verðlaun. Andri Snær er þekktur talsmaður náttúruverndar og talar fyrir ofnýtingu á auðlindum og neyslumenningu, og gefur hann þessum mikilvægu málefnum pláss í skáldverkum sínum á einn eða annan hátt. Sagan af Bláa hnettinum er þar engin undantekning. Í þessari ritgerð verður til dæmis fjallað um Gleði-Glaum, eina aðalpersónu verksins og narsissísk hegðun hans skoðuð og borin saman við hina barnslegu narsissísku hegðun barnanna. Á Bláa hnettinum búa engir fullorðnir og Gleði-Glaumur, sem er fullorðinn einstaklingur og birtingarmynd neyslu og gróðafíknar, er kynntur fyrir börnunum og hann gengur á náttúruauðlindir barnanna til þess að vekja aðdáun þeirra. Það má velta því fyrir sér hvort gagnrýni Andra Snæs sé ekki einnig á narssisíska hugsun mannsins, að okkur þyki yfirgangssemi mannsins á náttúruna í lagi á meðan við græðum á því. Ástand barnanna í sögunni er vísun í stöðu iðnaðarríkjanna og þróunarlandanna þar sem ríkir ójöfnuður á milli og börnin finna hjá sjálfum sér hversu mikilvægt er að allir séu jafnir og hafi sömu tækifæri til lífs. Eftir að hafa neglt sólina fasta á einum stað skapast ófremdarástand hinum megin á hnettinum þar sem lífið virðist ætla að fjara út, vegna eigingjarnra ákvarðana nokkurra einstaklinga. Samskipti barna og fullorðinna eru einnig skoðuð í sögunni í samhengi við narssisísk hegðunareinkenni Gleði-Glaums og kenningum Jean Piaget (1896-1980) og Lawrence Kohlberg (1927-1987) um siðferðisþroska barna.

Author dc:creator

• Anna Margrét Kristinsdóttir 1990-

Contributors dc:contributor

• Háskóli Íslands

• Íslenska (námsgrein)

Language dc:language.iso

is

Handle dc:identifier.uri

http://hdl.handle.net/1946/43201

OAI identifier oai:identifier

oai:skemman.is:1946/43201