Komdu eins og þú ert: Áhrif gruggtónlistar á Kynslóð X

Í þessari ritgerð er fjallað um gruggtónlist (e. Grunge music) og hugtakið Kynslóð X (e. Generation X) og þau skoðuð í mannfræðilegu samhengi. Hugtökin verða skoðuð ein og sér og svo verður leitast við að skoða hvaða áhrif gruggið hafði á Kynslóð X. Gruggið verður til á síðari hluta 9. áratugar 20. aldar og varð á stuttum tíma ráðandi tónlistarstefna innan alheims rokksenunnar á fyrri hluta 10. áratugarins. Talað hefur verið um gruggið sem tónlistarstefnu Kynslóðar X og forsprakki senunnar, Kurt Cobain, oft verið útnefndur „talsmaður Kynslóðar X“. Notast verður við kenningar Pierre Bourdieu um habitus og svið (e. field). Skoðað verður hvernig habitus gruggsins og reglur innan sviðs stefnunnar býr til ákveðinn anda og viðhorf sem verður seinna einkennandi fyrir Kynslóð X. Skoðuð verða áhrif Kurt Cobain á svið gruggsins með tilliti til menningarlegs auðmagns (e. cultural capital). Hugtakið Kynslóð X verður skoðað með skírskotun í umfjöllun Sherry Ortner um hugtakið og mun ég skoða hvað það þýðir í raun og veru. Kenningar um habitus og svið verða svo notaðar til þess að skilja aðstæður Kynslóðar X innan sviðs fjölskyldunnar sem og samfélagsins í heild sinni. Sú umfjöllun verður svo dregin saman til þess að skilja hvaða áhrif gruggið hafði á Kynslóð X.

Author dc:creator

• Eiður Tjörvi Pálsson 1994-

Contributors dc:contributor

• Háskóli Íslands

• Mannfræði
• Gruggtónlist

Language dc:language.iso

is

Handle dc:identifier.uri

http://hdl.handle.net/1946/43076

OAI identifier oai:identifier

oai:skemman.is:1946/43076