„Hættu nú að tala pólsku, þú ert á Íslandi“ : reynsla fimm mæðra af menntunarferli tvítyngdra barna þeirra

Þetta er lokaverkefni til BA-prófs í Þroskaþjálfafræði við Menntavísindasvið Háskóla Íslands vorið 2022. Verkefnið fjallar um menntunarferli tvítyngdra barna á Íslandi og í rannsókninni verður skoðað hvaða hindranir og annmarka foreldrar tvítyngdra barna upplifa þegar kemur að menntun barna þeirra. Á undanförnum árum hefur það færst í aukana að fólk flytjist búferlum á milli landa. Það hefur orðið til þess að tví- og fjöltyngdum börnum í íslensku menntakerfi hefur fjölgað umtalsvert. Það er nauðsynlegt að mæta þörfum þessara barna með viðeigandi stuðningi og aðstoð. Mikilvægt er að börnin nái góðum tökum á móðurmálinu til þess að gera þeim auðveldara að læra annað tungumál. Markmiðið með þessu verkefni er að sýna fram á mikilvægi móðurmálsins og mikilvægi þess að skólinn efli færni barna í báðum eða öllum tungumálum. Rannsóknin byggir á hugsmíðahyggju og notast verður við eigindlega rannsóknaraðferð, tekin verða hálfstöðluð einstaklingsviðtöl við fimm pólskar mæður. Þá verður leitast við að svara því hver reynsla þeirra er af menntunarferli barna þeirra. Fjallað er um niðurstöður í samhengi við hugtök eins og tvítyngi, móðurmál og fjölmenningu. Hlutverk og stefnur skóla þegar kemur að virku tvítyngi og menntun tvítyngdra barna verða skoðuð út frá hugmyndafræði um fjölmenningarlega menntun og skóla án aðgreiningar. Þá verður jafnframt litið til sjálfsmyndar og stöðu tvítyngdra barna í menntakerfinu auk áhrifa þjóðernishyggju, útlendingahræðslu, öráreitni og fordóma á menntakerfið. Þá verður jafnframt horft á niðurstöðurnar með tilliti til aðalnámskrár og laga og reglugerða sem tengjast menntunarferli barna á Íslandi. Niðurstöður rannsóknarinnar benda til að ekki sé nægilega vel hugað að samvinnu og samskiptum á milli foreldra og skóla, auk þess sem ekki er nægilega vel hlúð að virku tvítyngi hjá börum af erlendum uppruna.

Author dc:creator

• Klaudia Rymon-Lipińska 2000-

Contributors dc:contributor

• Háskóli Íslands

• BA ritgerðir
• Þroskaþjálfafræði
• Eigindlegar rannsóknir
• Pólska
• Móðurmál
• Fjölmenningarleg kennsla
• Mæður
• Tvítyngi
• Menntun

Language dc:language.iso

is

Handle dc:identifier.uri

http://hdl.handle.net/1946/42660

OAI identifier oai:identifier

oai:skemman.is:1946/42660